إنجي المقدم تكشف مخاوفها لأول مرة.. صدمة من الطفولة

روت الفنانة إنجي المقدم مواقف مؤثرة تعرضت لها، بجانب مخاوفها الشخصية، وأسرار من حياتها لأول مرة، قائلة: «عندي خوف من حاجات كتير أوي».

قالت إنجي المقدم عن مخاوفها في تصريحات تلفزيونية لها: «عايشة بخوف.. بخاف من المجهول والمستقبل والطيارة وبخاف على ولادي جدَا، وده بسبب أكثر من صدمة حصلت لي وأنا صغيرة».

مخاوف إنجي المقدم

وتابعت: «زي مثلا أخويا توفى قدامي وهو سنتين ونص وأنا كان عندي 6 سنين، ودي كانت صدمة.. أهلي ماكنوش عايزين يبينوا لي أي حاجة، وبيمثلوا أنهم كويسين بس أنا كنت حاسة بحزن أمي».

واستكملت الفنانة إنجي المقدم قائلة: «أنا وأخويا كنا بنام في أوضة واحدة.. وعشان أعرف أنام كنت بتخيل ده محصلش وهما بيدفنوه الراجل لقيه صاحي بعد ما كل الناس مشيت وخده ورباه ولما نكبر هنتقابل تاني».

تصريحات إنجي المقدم

وقالت أيضًا: «فيلم عربي بس عشان أعرف أنام.. كان عندي تروما من خناقات أمي وأبويا مع بعض، من كتر صوتهم كنت بقفل وداني وطلاقهم وأنا عندي 14 سنة».

واستكملت إنجي المقدم حديثها عن مخاوفها قائلة: «حصلي تنمر وأنا صغيرة في النادي والمدرسة كتير أوي، في الوقت اللي حصل فيه الطلاق».

إنجي المقدم