إيناس النجار تكشف بداياتها الفنية: أول فيلم عملته مع انتصار كان عندي 16 سنة

كشفت الفنانة إيناس النجار جنسيتها لأول مرة حيث تحمل الجنسية التونسية وليست المصرية، معلقة: «بدأت تمثيل من بدري أوي وأنا صغيرة من سنة 2003».

بدايات إيناس النجار

قالت إيناس النجار في تصريحات تلفزيونية لها، عن بداياتها الفنية، قائلة: «كنت طفلة عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين».

واستكملت الفنانة قائلة: «والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة».

إيناس النجار

تصريحات إيناس النجار

وتابعت إيناس النجار قائلة: «وأستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وهنسبك بنتي فنيًا».

وتحدثت عن حياتها الشخصية، لافتة إلى أنها تُقيم في مصر وتزوجت من رجل مصري، مختتمة حديثها: «عندي بيت حلو في تونس، ولكن بحلم بـ بيت في مصر لأني عايشة هنا ومستقرة من سنين كتير أوي، وناس كتير أوي بيقولولي لهجتك مصرية أوي، وأنا مقدمة على الجنسية المصرية وإن شاء الله هتيجي».

إيناس النجار

إيناس النجار