البنت حلوة.. رد فعل زوجة وائل جسار بعد طلب أسماء جلال الزواج منه

علق الفنان وائل جسار، على تصريحات الفنانة أسماء جلال، حول أنه فتى أحلامها، مما آثار الجدل على مواقع التواصل الاجتماعي وتصدرها التريند.

وأوضح وائل جسار، في مكالمة هاتفية مع الإعلامية نهال طايل، ببرنامج تفاصيل، المذاع على قناة صدى البلد 2، أن أسماء جلال تحدثت بعفوية لا مثيل لها، قائلاً: «أسماء اتكلمت بتلقائية وقالت أنها كانت صغيرة، واللي حصل بعد الحفلة صراحًة أنا مش فاكر، وأنتي تعرفي إن الفنان ليه معجبين كتير فلما بيخلص الحفلة بيجوا علشان يتصورا معاه، بس مابيركزش قوي على كل حد».

وتابع وائل جسار، قائلاً: «أسماء انا بشكرها من كل قلبي على حُبها ليا، ولأعمالي الفنية أنا بتمنى لها كل خير، وإن شاء الله دائمًا تبهرنا بأعمالها، وتحسيها بعد فيلم ولاد رزق هتبقى نجمة كبيرة، وربنا يوفقها في حياتها، وتستاهل ابن الحلال، أنا فوجئت بالكلام، وكان أول مرة أسمعه».

وأضاف وائل جسار، أن أسماء جلال، قالت بعد تصريحها يا ريت ما يعرفش الكلام ده، بالعكس انا حبيت ثقتها في نفسها وإنها بتواجه وبتقول كل حاجة حاسة بيها من قلبها، وقليل جدًا اللي بيتكلموا بالطريقة دي».

وتحدث وائل جسار عن طبيعة علاقته بزوجته بشأن الغيرة خاصًة من المعجبات، قائلاً: «والله صراحًة زوجتي قالت لي من باب المزاح : البنت حلوة خلاص مفيش مشاكل تجيبها ضرة عادي، وقولت لها أنتي عندي بالدنيا كلها،، وزوجتي متفهمة أن زوجها فنان وبيبقى عنده معجبين ومعجبات وعندها ثقة في زوجها وعندها ثقة في نفسها أنه أختارها من بين ملايين البنات، وهي متعاونة ومتفهمة لكل هذه الأمور».