الرئيس السيسي: تكلفة تطوير معهد ناصر ستصل إلى 10 مليارات جنيه

تحدث الرئيس عبدالفتاح السيسي، عن المبادرات الصحية التي تتبناها الحكومة ممثلة في وزارة الصحة على مدار السنوات الماضية.

وقال الرئيس عبدالفتاح السيسي خلال فعاليات جلسة «العدالة الاجتماعية والصحية» ضمن فعاليات مؤتمر حكاية وطن: «رجل أعمال فاضل في 2015 قالي عايز أعمل حاجة خيرية وتصميماتها تمت في أمريكا، وعايز متابعة حضرتك، وقلت له فكرتك غير قابلة للنجاح، في الفلوس أنا عندي مشكلة، أنت بتتكلم على مستشفى تتكلف 20 مليار جنيه، وعارف المريض هنا هيكلف كام أنت محتاج من 3 لـ4  مليارات جنيه تكاليف تشغيل المستشفى».

وتابع: «رد عليا رجل الأعمال قالي أنا معايا مليار جنيه ودا كان رقم كبير في الوقت ده، وأخدت الفكرة اللي كانت غير قابلة للنجاح وأنا أحاول أنجحها، وكل اللي بتكتبه الجرايد وتقولوه أنت مأنا بتعلم منه».

واستطرد الرئيس السيسي على أن تطوير معهد ناصر تكلف 6 مليارات جنيه ومتوقع أن يصل لـ10 مليارات أيضا، وسيصبح مدينة طبية عالمية».

وعلق الرئيس السيسي: المستشفى الذي تحدثنا عنه كان يحتاج لـ 64 مليون دولار للمعالجة بالإشعاع النووي، والمستشفى ده كانت سيفتح قريبا، والحكومة ستشتري وتقديمها للمواطنين.

ومازح الرئيس السيسي، الدكتور خالد عبد الغفار: «أنت بتزعل لما بقولك يا خالد من غير دكتور، ليرد عليه وزير الصحة قائلا: «لا يا فندم طبعا».

واستكمل الرئيس السيسي: «بقالي معكوا كتير هنا وكل يوم بشوف العجب، المستشفى دي علشان تخرج للنور تحتاج من 5 لـ7 سنين، لكن إحنا ممكن نخلصه من سنتين لـ3 سنوات، أنا ممكن يكون عندنا 700 مستشفى والأطقم قد تكون غير مشجعة على العمل، لكن ممكن نشرك القطاع الخاص معانا في إدارة مستشفى بالحجم دا».

واختتم الرئيس السيسي: «الدكتور خالد من الناس الشاطرين، عنده قدرة على تسويق فكرته».