الرئيس السيسي: كنت سأدعو لانتخابات رئاسية مبكرة لو رفض الشعب الإصلاح الاقتصادي

قال الرئيس عبد الفتاح السيسي، إنه «حتى الميديا بتاعتنا كانت مخلية الدولة خصم في مواجهة التحديات التي تواجهها؛ وواحد يقولي طب العاصمة الي بتعملها دي بتعملها ليه؛ مفيش قرش من موازنة الدولة اتدفع في إنشاء العاصمة الإدارية الجديدة».

أرباح الدولة المصرية من المدن الجديدة

وأضاف السيسي، خلال فعاليات انطلاق المؤتمر الاقتصادي (مصر 2022) من العاصمة الإدارية الجديدة: «عملنا مسار ذات فكر لتجاوز المشكلة اللي عندنا؛ والـ40 مدينة الجديدة ضافوا 10 تريليون جنيه في أرصدة الدولة المصرية مش لحد تاني».

وتابع الرئيس السيسي: «تحرك الدولة في مجابهة حالة العوز والفقر؛ كان لازم أولد قدرة من المتاح، قلت لوزير التجارة بعد حوالي شهرين من توليه الوزارة عن الواقع اللي شافه هل كان هو الذي رآه حينما كان نائبًا في البرلمان؟؛ والحوار الوطني معمول علشان أسمعكم وتسمعونا وممكن يكون فيه خلاف في الرأي؛ بس ميكونش اختلاف».

إصلاح التعليم هعملة بالمدرسين الموجودين

وأوضح السيسي، أن «لما هاجي أعمل إصلاح هعملة بمؤسسات الدولة، وإصلاح التعليم هعملة بالمدرسين الموجودين؛ والإصلاح هيكون بمؤسسات الدولة، ويا ترى المؤسسات دي كانت قادرة على تلبية تحديات ضخمة زي اللي كانت في مصر؟، وسألت وزير الاتصالات الناس اللي بتشتغل وتكسب كويس عددهم كان؟، وفي النهاية عاوز أقولكم إن اللي بنتكلم فيه هو اللي هنبني عليه النجاح من عدمه».

وأردف الرئيس السيسي: «قلت لوزير الخارجية من 6 سنوات عاوزين نقل العدد ونخفض المرتبات؛ سألني يا فندم فيه إيه؟؛ لأننا بنتكلم على حوكمة وإعادة تنظيم، وساعتها خفضنا 30%، واللي هيقوم بعملية البناء والإصلاح في الدولة هو الجهاز الإداري».

المؤتمر الاقتصادي

إطلاق عملية الإصلاح الاقتصادي

وأكد الرئيس عبد الفتاح السيسي، أن «طرحنا في نوفمبر 2016 إطلاق عملية الإصلاح الاقتصادي وتغيير سعر الصرف، كل اللي كانوا قاعدين من المسؤولين قالوا لا، وقلتلهم يا جماعة احنا هنعدي بالقرار ده قناية؛ ولو اتأخرنا هنبقى عاوزين نعدي بحر لا يمكن نعديه؛ والحمد لله مشينا وربنا وفقنا؛ وقلت لو الشعب رفض القرار الحكومة تقدم استقالتها الخميس وأنا هدعي لانتخابات رئاسية مبكرة السبت».

https://www.youtube.com/watch?v=Shon_UBf4io

الرئيس السيسي: اتفاقية ترسيم الحدود البحرية وفرت لمصر 120 مليار دولار سنويا