الرئيس السيسي يرد على حملات التشكيك: قناة السويس الجديدة ساهمت في زيادة الدخل

قال الرئيس عبد الفتاح السيسي، إن قناة السويس الجديدة ساهمت في زيادة دخل القناة، ورفع معدلات أعداد السفن العابرة، واستيعاب حجم التطوير في القناة.

وأضاف الرئيس السيسي خلال افتتاح الرئيس عبدالفتاح السيسي، القرية الأولمبية لهيئة قناة السويس، وتدشين وحدات بحرية جديدة: «خلينا نتوقف أمام الذي عرضه رئيس هيئة قناة السويس للمشروع الذي يجري تنفيذه حاليا، وإحنا دايما معنيين بمستقبل مصر، وافتكروا افتتحنا قناة السويس الجديدة من نفس القاعة، والتي انطلقت في 2015 وكان فيه انتقادات وتشكيك، فهل الدولة استفادت من المشروع ده؟».

تابع الرئيس السيسي: «دخلنا كان 4.8 النهاردة بعد قناة السويس الجديدة بنتكلم في 6.0 و7.0 ولسه، وأخدانا أكتر من الرقم اللي اتدفع في قناة السويس الجديدة خلال السننين اللي فاتت».

أردف الرئيس: «بيقولوا إن الدولة بتخطط بشكل عشوائي وكأنهم هم اللي عارفين، لا الدولة بتخطط لتعزيز دخلها والحفاظ على معدل الحركة في قناة السويس».

استطرد الرئيس: «خدوا بالكم يا مصريين هما دايما واخدينكم في حتة، وإحنا باين علينا إننا مش عارفين ندافع عن نفسنا كويس، هناك حملات مغرضة تهدف للتشكيك في الإنجازات التي يتم تحقيقها.

استكمل الرئيس السيسي: «شوفوا المنشور على بعض المواقع والقنوات والصحف المناوئة وهتعرفوا إزاي هم عايزين يحبطوكم ويشككوكم، لازم اللي يدافع يعرض اللي اتقال ويقارنه باللي إحنا فيه عشان الإنسان البسيط اللي في الشارع يعرف إنه مستهدف وأنهم عايزين ييئسوه ويضعفوه».

شدد الرئيس على كل أجهزة الدولة بضرورة التصدي بوعي ل التشكيك في الإنجازات، مردفا: «اللي بيعمل المشروع ده هيئة قناة السويس والمليارات اللي بتتصرف من دخل الهيئة» في إشارة إلى تدشين وحدات بحرية جديدة.

أضاف الرئيس السيسي أنه هناك حملات مغرضة تهدف للتشكيك في الإنجازات، مضيفا: «أوعوا تسمعوا كلام حد عايز يحبطكم، وأي حاجة ببتعمل بتكون بدراسات عشان ناخد قرار نصرف بمقتضاه مليارات الجنيهات والدولارات».

أشار الرئيس إلى أن المشروعات الجديدة لقناة السويس يتم تمويلها من إيرادات الهيئة.

اختتم الرئيس السيسي برسالة وجهها إلى الإعلام المصري، قائلا: «كل اللي شغالين في الإعلام يعرضوا الكلام اللي بتقال علينا من المشككين.. إنتوا خايفين تعرضوه ليه.. هاتوه وقارنوه بالواقع بتاعنا ضحكونا عليهم».

بعد قليل.. الرئيس السيسي يتفقد هيئة قناة السويس بالإسماعيلية