الرابر عفروتو يكشف سر لقبه ويتغزل في إسكندرية: ريحة اليود بتخلي الواحد يبدع

كشف الرابر عفروتو خلال لقائه مع الإعلامي أنس بوخش عن كواليس إطلاق لقب "عفروتو" عليه، مؤكداً أنه التصق به منذ طفولته بسبب شقاوته الزائدة وفرط الحركة.

وقال عفروتو: "أنا طول عمري شقي جدًا، وكان عندي فرط حركة من وأنا صغير، مش مجرد طاقة زي الأطفال، كنت زيادة شوية. ومن رابعة ابتدائي اتقال عليا عفروتو من كتر ما كنت عفريت، والاسم كمل معايا لحد ما بقيت أغني".

وتحدث عفروتو عن دور مدينة الإسكندرية في تشكيل ميوله الموسيقية واحترافه للراب، قائلاً: "أنا صوتي حلو من وأنا صغير، وكنت بغني في الكورال بالمدرسة، لكن معرفتش الراب غير بعدين، وإسكندرية كان ليها تأثير كبير".

وأضاف: "إسكندرية هي عاصمة الراب في مصر، وده مش كلام علشان أنا منها، بس فعلاً الرابرز الكبار دايمًا بيخرجوا من هناك، الجو في الشتا، وريحة البحر واليود بيخلوا الواحد يبدع، بتحس إنك فنان غصب عنك".

لقاء عفروتو كشف عن جانب مختلف من شخصيته، وازاي البيئة والمجتمع المحيط لعبوا دور مهم في تشكيل هويته الفنية والطريق اللي مشي فيه.