الرئيس السيسي: أجلنا تطبيق زيادة أسعار الكهرباء من أجل المواطنين.. فيديو

وجه الرئيس عبدالفتاح السيسي، المحافظين بالحرص على تطوير الأسواق والاهتمام بها.

وقال الرئيس عبدالفتاح السيسي خلال افتتاح عدد من المشروعات الحيوانية في مدينة السادات اليوم الاثنين: «كلامي للمحافظين أنت مش بتاخد فلوس من الناس وأنتوا داخلين السوق ده، لازم يتنظف ويتم إنشاء مظلات، مينفعش يبقى ده المنظر، عايزين الناس أعينهم تتعود على الحسن، ما تعملوا مسابقات».

وتابع «لولا جهود الدولة لتخطت أسعار السلع مستويات كبيرة وفاقت قدرة المواطن، لو تعاملنا بأسعار الطاقة العالمية الآن لحدثت قفزة كبيرة في التكلفة، بقول ده للمصريين عشان يعرفوا أن ده أقصى حاجة ممكن نعملها لضبط الأسعار، هناك إجرءات أخرى لضبط الأسواق ومنع استغلال التجار بالطبع ممكنة».

وأضاف «الحكومة أجلت تطبيق زيادة أسعار الكهربا لثالث مرة عشان متبقاش حمل على الناس، 17 مليون مشترك يدفعون أقل من 50% من ثمن الطاقة، هذا لا يعني أن الدولة تمن على شعبها، لكن نحاول جعل فاتورة الأعباء على المواطنين مناسبة بقدر الإمكان».

وأردف «ده أقصى حاجة ممكن نعملها عشان الأسعار لا تقفز، وكي نحافظ على محدودي الدخل، برا الأسعار تزيد مجرد ارتفاع أسعار الطاقة، إحنا هنا معملناش ده، ولو مكانش ربنا وفقنا خلال السنين اللي فاتت في إجراءات كثيرة، بينها مشروع البتلو».

وأكمل «بلدنا توقفت 50 سنة لا تفكر أو تكبر، القدرات والموارد لم تزد، ولا أقول هذا الكلام قدحا في أحد، لذلك يجب أن تكون معدلاتنا قافزة وليست متسارعة، لأننا متأخرين كتير».

الرئيس السيسي: نسيطر على تكلفة الإنتاج عبر استصلاح الأراضي

الرئيس السيسي يفتتح عددا من مشروعات الإنتاج الحيواني عبر الفيديو كونفرانس.. فيديو