الشهيد ماجد عبد الرازق.. دعا أصدقاءه لعقيقة مولودته ليلى.. ليلتقيهم في جنازته

نعى الضابط هشام صالح، صديقه الراحل الرائد ماجد عبد الرازق، الذي استشهد اليوم الأحد في هجوم من قبل مسلحين بالنزهة.

وقال صالح خلال صفحته على فيس بوك «النقيب ماجد عبدالرازق استشهد وهو بيشوف شغله... لحد هنا الخبر ممكن يكون بالنسبالك دارج وعادي انما الحكايه ان بنته عندها 8 ايام وكان هيعمل العقيقه بتاعتها كمان ايام وابتدى يعزم صحابه وزمايله حواليه... لحد هنا بردو ممكن يمر الخبر عادي عليك... انما تعرف ان ارملة الشهيد تبقى بنت الشهيد العميد وائل طاحون اللي تم اغتياله من 5 سنين على ايد الاخوان..!!!! تبقى ارمله شهيد وبنت شهيد.. وبنتها مكملتش ايام وملحقتش تفتح عينيها».

وتابع «دايما الصوره في المرايا بتبقى مخبية حاجات أنت مبتشوفهاش بتبقي مجهوله رغم انها قدام عينيك... البطوله مش في الاستشهاد وبس... البطوله في زوجة بقت ارمله ورضيع عاش احساس الأبوه ساعات قليله بس،البطولة في حياة ناس بتتولد وتعيش وناقصها أهم ناس في حياتها، عارف يعني إيه أبوك يبقى بالنسبالك مجرد صور وذكريات وحكاوي بس وانت الوحيد اللي ملحقتش تشوفه».

واختتم «كل الاحترام للي بيعانوا بعد مابنروح... لان حياتنا بتكون انتهت انما حياتهم هما مكمله.. بس على وجع و الم».