المخرج مرقس عادل يعلن شفاءه من كورونا: «الموت قريب جدا»

أعلن المخرج مرقس عادل شفاءه من فيروس كورونا، بعد خروجه من المستشفي منذ أيام.

وكتب «مرقس» عبر حسابه الشخصي على «فيس بوك»، «الحمدلله أنا خرجت من المستشفي من كام يوم و في البيت (لسة علي جهاز الاكسجين بس نشكر ربنا) .. الموضوع كان كبير معايا حبتين أنا كنت من الـ ٢٠٪؜ اللي بيحتاجو رعاية طبية ( مش كل الناس كدة متقلقوش بس خلو بالكم)»

وأضاف، «أولا أنا فرحان أوي بالتجربة دي لحد أخرها .. محبتكم و قلقكم عليا عندي كبير أوي .. واحد واحد و واحدة واحدة شكراً من كل قلبي حقيقي علي المحبة أغلي شيء في الحياة و انقي مشاعر هي المحبة .. التجربة بتعلم كتير اوي و بتغير و بتعيد ترتيب الاولويات و بتفرق في عمرك و بتغير منظورك للحياة بكل تفاصيلها و خصوصا في الناس بتقَدر و بتتعلم و بترتب».

وتابع، « الموت قريب جدا .. السن مبيفرقش ولا الصحةً وأنا في العناية خرج جنبي ٦ أشخاص و حالات متوفين أهاليهم كانو بيزوروهم في الزيارة مع أهلي .. وفيهم حالات كانت اقل من حالتي .. الاحباب هم الباقيين ركزو معاهم اوي .. الألم و الوجع اللي مريت بيهم ١٤ يوم رعاية و الاكسجين مش بيتحسن كان فيهم مفاهيم كتير».

وأنهى حديثه قائلاً، «أنا اسف لكل حد زعلان مني .. اسف لو حد ضايقته و انا مش واخد بالي .. أو واخد و كنت عنيد .. اسف لو مقدرتش أكون أحسن في بعض المواقف أنا من دلوقتي مش زعلان لأن الحياة متستاهلش .. ولو في صراعات وهجوم أنا مش زعلان و لو حد بيتخانق علي شغلانة صدقني مش مستاهلة انا من انهاردة مش زعلان من حد و اسف لكل حد و فرحان بكل محب حقيقي ».

هبة مجدي تنشر صورة مع والدتها..«ربنا ميحرمنيش منك »

وداعا إبراهيم نصر.. نجم الكاميرا الخفية يرحل فى شهر نجوميته.. زكية زكريا وجعيدى أشهر أدواره.. وأنفخ البلالين يا نجاتي أبرز افيهاته