المطربة بوسي عن علاقتها بوالدها: كان نفسي يكون ظهر وسند لكنه مكانش موجود

رفضت المطربة بوسي ما ينشر عنها حول تخليها عن والدها قبل رحيله، إذ اعترفت أن علاقتهما كانت منتهية منذ فترة ماضية.

بوسي تتحدث عن والدها

قالت بوسي في تصريحات تلفزيونية: 'أنا مش محتاجة أعرف الناس إني كنت بساعد أبويا أو بصرف عليه أو بسأل عنه، وطبيعي تحصل خلافات بين الأب وبنته أو الأم وبنتها وابنها، ومش لازم أستغله وأعمل تسويق لو اشتريت له تلاجة أو غسالة'.

سبب خلاف بوسي ووالدها

وتابعت بوسي حديثها، وقالت: 'في وقت من الأوقات انقطعت علاقتنا لإني مريت بأزمة، ومفيش حد وقف جنبي وأولهم أهلي، إزاي عايزني أبعتلك فلوس وأنا مش في القاهرة وعندي أزمة مالية، وناس كتيرة راحت لأبويا واستغلوه علشان يحاربوني، وأنا كلمته وبعت له فلوس وكنت هروح أزوره، لكن عرفت بوفاته بعدها بيومين، ولما أهلي كلموني كنت في وعكة صحية شديدة وقافلة تليفوني'.

واستكملت المطربة بوسي حديثها، وقالت: 'أكيد كان نفسي أكون جنبه وهو بيموت، وأكيد كان نفسي أتربى مع أبويا ويكون موجود في حياتي، وأحس إنه ظهر وسند لكنه مكنش موجود من الأول، وفي الآخر هو أبويا'.

بوسي تنتقد سعد الصغير

وعلى جانب آخر، انتقدت بوسي، المطرب الشعبي سعد الصغير لمساعدته لوالدها قبل وفاته، وقالت: 'لو بتعمل خير مش محتاج تصوره أنت بتعمله لله، مش علشان تعمل تريند، ليه تدخل نفسك في حاجة لا تخصك، وفي الآخر أخذ جزاءه من الناس'.