«ببقى مرتاحة لما يبقى معايا الجنيه» بهذه الجملة روت الست هدى البالغة من العمر 45 عاما، قصة كفاحها وتفاصيل عملها لنقل الطوب على رأسها في أحد المصانع بمحافظة الدقهلية.

وأوضحت هدى خلال لقائها مع الإعلامية نهال طايل ببرنامج تفاصيل المذاع على قناة صدى البلد، أنها تعمل في مهنة نقل «قوالب الطوب» منذ 20 عامًا، وتُعيل بيتها وأولادها الأربعة بعد وفاة زوجها.

قصة كفاح الست هدى

وقالت الست هدى، 'بنشتغل واليومية مرة 70 جنيه ومرة 150 جنيه، والقبض حسب الانتاج، وبصحى من الساعة 4 الفجر على أكل عيشي وبخلص الساعة 2 الظهر عشان أصرف على ولادي'.

وتابعت: 'عندي رجب 26 سنة، ومجدي 24 سنة، وفرحة 12 سنة، ورشا 23 سنة ومتجوزة بقالها 8 سنين'.

واستكملت: 'أنا اللي بعمل شغل البيت، وابني الكبير مبيشتغلش لظروف صحية، وابني التاني هو اللي بيشتغل وبيساعد معايا أصرف على أخواته'.

وعن عملها وسط رجال طيلة النهار، أردفت قائلةً: 'كلهم ناس محترمة وبيحترمونا لأننا أخوات كلنا، ومبخافش وأنا لوحدي لأن معايا ربنا طول الوقت'.