بحضور بناته.. تامر حسني يطير 120 متر فوق جمهور حفل القاهرة الجديدة |صور وفيديو

ياسمين حمادة 18 يونية 2024 | 10:13 صباحاً

نشر الفنان تامر حسني مقطع فيديو من حفله في القاهرة الجديدة، الذي شهد العديد من المفاجآت أمس الاثنين 17 يونيو 2024.

ظهر تامر حسني في الفيديو الذي نشره من حفل القاهرة الجديدة، عبر حسابه الرسمي بموقع انستجرام وهو يطير فوق الجمهور.

تامر حسني في حفل القاهرة الجديدة

وعلق على الفيديو قائلًا: «طرت 120 متر لآخر واحد في الجمهور و الحقيقة هي مخاطرة كبيرة و أكبر من مخاطرة حفلة الساحل السنة اللي فاتت».

وتابع تامر حسني: «بس لأني كل شوية بشوف حبكم ليا أكتر فبيزيد عندي الشغف والطموح إني فعلاً أفرحكم جدًا بتطوير المسرح العربي وأعمل حاجة مختلفة تليق بحلاوتكم وبمشوارنا مع بعض من يوم ما ظهرت».

واختتم: «بشكر إدارة زد إيست على إعلانهم إن الحفلة دي أكبر حضور جماهيري في تاريخ حفلاتهم والفضل يرجع ليكم يا أغلى الناس».

عرض هذا المنشور على Instagram

‏‎تمت مشاركة منشور بواسطة ‏‎Tamer Hosny‎‏ (@‏‎tamerhosny‎‏)‎‏

صور حفل تامر حسني بالقاهرة الجديدة

وكشف صور من الحفل شهدت العديد من المفاجآت، ومنها حضور بناته تاليا وأمايا، بجانب مشاركة مطرب الراب زاب ثروت معه في الحفل.

وعلق تامر حسني على الصور التي نشرها على انستجرام: «من أعماق قلبي شكرًا لجمهور Zed East الضخم المحترم الراقي.. حقيقي من أجمل الحفلات اللي استمتعت بيها في مدار مشواري وأنا طرت النهاردة لآخر شخص في الحفله عشان أحاول أوصل وأكون قريب لكل واحد منكم».

وأضاف: «كانت مجازفة كبيرة وخطيرة بصراحة بس إنتوا تستاهلوا التعب وكل الشكر لأخويا الفنان المحترم زاب ثروت شرفتني يا حبيبي.. شكرًا Zed East شكرًا Ora شكرًا لكل عباقرة المسرح اللي تعبوا معايا النهاردة».

واختتم تامر حسني: «تاني حاجة.. كون إني أسجل النهاردة أكبر رقم حضور جماهيري في تاريخ حفلات ZED رغم النجوم العالمين الأجانب اللي غنوا فيها حقيقي شرف كبير ليا وكرم كبير من ربنا ليا وبشكر جمهوري الكريم الراقي المحترم صاحب النجاح ده».

حفل تامر حسني