بدرية طلبة تتراجع وتحذف منشور دفاعها عن «البلوجرز»: تعليقات مريضة

تعرضت الفنانة بدرية طلبة للانتقادات وهجوم، بعد دفاعها عن «التيك توكرز، والبلوجرز»، عقب القبض على عدد منهم.

كتبت بدرية طلبة في منشور عبر حسابها الشخصي بموقع فيس بوك: «الحقيقة بتزعل وساعات بتوجع وأنا هفضل أقول الحق بتاع ربنا».

بدرية طلبة تدافع عن التيك توكرز

وتابعت: «(بعض) الشمتانين في البلوجرز اللي اتقبض عليهم غيرانين من الفلوس اللي بتدخلهم من الدعم على التيك توك.. سيبك بقى من اللي يقولك إنه فرحان علشان البلد تتنضف، وأسلوبهم وطريقتهم ومحتواهم والهجص ده كله».

واستكملت بدرية طلبة: «عمومًا، اللي محتواه قليل الأدب يتعاقب، واللي غير محترم يتعاقب، واللي بيغسل يتعاقب، لكن اللي ربنا كرّمه من الدعم من غير أي شبهات، ده رزقه وحقه».

انتقادات ضد بدرية طلبة

واختتمت: «ومضربش حد على إيده علشان يدعمه.. الشمتان مهما يعمل، دي أرزاق ربنا قسمها، ومحدش بياخد رزق حد».

ولكن تراجعت بدرية طلبة عن الدعم، وحذفت المنشور الذي عرضها لحملة من الهجوم والانتقادات عبر خاصية التعليقات خلال الساعات الماضية.

وكتبت: «ده إيه اللي إحنا فيه ده ربنا يريحنا من الأشكال دي قسمًا بالله لجان والصفحات واضحة وباينة وعيال متسلطة وفاهمة بتعمل إيه أي ابلكيشن تاني أنضف من الفيس بوك مواقع تحت بير سلم واللي عاملين نفسهم صحفيين وشوية معاتيه ربنا بلانا بيهم وتعليقات مريضة لا بلاها فيسبوك.. نريح دماغنا ونحقق لهم أمانيهم هما الوسط كله عاملهم حرقان».