بسمة بوسيل تكشف سبب دفاعها عن سعد لمجرد في قضيته: ماشية بقلبي

تحدثت الفنانة بسمة بوسيل عن دفاعها عن الفنان سعد لمجرد بعد اتهامه بقضية الاغتصاب، معلقة: «أنا ماشية بقلبي ووقفت مع ابن بلدي».

وتابعت بسمة بوسيل عبر تصريحات تلفزيونية لها: «قضية سعد لمجرد فيها حاجات غير مفهومة، وهو حتى الآن خارج السجن، وناس بيقولوا تم الإيقاع به».

بسمة بوسيل وسعد لمجرد

واستكملت: «لكن لما يبقى عليه حكم نهائي أكيد لن أسانده وبشوف إن الست المفروض تعرف قيمة نفسها، لو واحدة طلعت عند واحد الأوتيل وقبلت على نفسها ده تبقى مش عارفة قيمة نفسها، هي دي ثقافتي وهي لا تستحق الاغتصاب، لكن هي غلطانة، ولو التحقيق أثبت إن سعد عمل كده يستاهل يدان».

وأشارت بسمة بوسيل إلى أنها لم تهتم لإلغاء دعوتها لتكريمها في إحدى المنظمات النسوية، بسبب دفاعها عن سعد لمجرد، معلقة: «أنا مش فيمينست وكنت مش عايزة أروح، الحقيقة ربنا خلقنا علشان نكمل بعض، وفكرة الفيمينست بالنسبة لي مرفوضة».

بسمة بوسيل وسعد لمجرد

بسمة بوسيل ودنيا بطمة

وفيما يخص دعمها للفنانة دنيا بطمة رغم إدانتها بواسطة القضاء، علقت بسمة بوسيل قائلة: «القضاء المغربي أكيد أعلى مني وأعلى من أي حد، لكن أنا في النهاية أم، ومش عارف الحق فين».

واختتمت: «بحب ولاد بلدي جدًا ولكني لن أنتصر لأحد على حساب الضحية والجملة ربما ليست في محلها واندفعت والأسلوب كان خطأ، لكن ثقافتنا هي التي تجعل لنا قيمة وأنا عندي بنات وعايزة أشوفهم أحسن ناس في الدنيا عايزاهم يتقدروا ويعرفوا قيمتهم، ومستحيل أقصد الإساءة لفتاة ولكن خانني التعبير».

بسمة بوسيل ودنيا بطمة