بسنت شوقي: الحب مش وردي طول الوقت.. هو مجهود وقرار يومي

تحدثت الفنانة بسنت شوقي بصراحة شديدة عن مفهومها للحب والعلاقات، مؤكدة أن الحب ليس دائمًا مثاليًا أو خاليًا من المشاكل، بل هو مجهود مشترك وقرار يتجدد يوميًا.

قالت بسنت شوقي في تصريحات إذاعية: "الحب بيتغير كل يوم، في أوقات بتبقي محتاجة إنك تبقي حنينة، وأوقات تانية تبقي أنانية! ممكن تكوني محتاجة تاخدي أو تدي، بس في الآخر الحب مجهود".

وأضافت أن استمرار العلاقة مشروط برغبة الطرفين في تجاوز الصعوبات: "هو قرار إنك تحب البني آدم وتبص للحاجات الكويسة اللي فيه، وتفكر نفسك بيها، وتحاول تدي له عذر للحاجات الوحشة أو تتكلم معاه، ولو فيه مشكلة نحلها سوا، ولو احتجنا نروح لدكتور، نروح".

بسنت شددت على أن وجود مشكلة في العلاقة لا يعني نهايتها، موضحة: "مش معنى كده إننا بنسيب بعض، عادي إحنا عندنا مشكلة، بس بنحلها، لأن في الآخر لما نكبر، كل ده هيروح، الشغل والزحمة والماديات، اللي هيفضل هو العشرة.. حد يدخلك الحمام ويأكلك بإيده".