تامر حسني يقترح فكرة لدعم الحالات الإنسانية: «ربنا خلقنا علشان نساعد بعض»

أقترح المطرب تامر حسني، على متابعيه فكرة لدعم الحالات الإنسانية بالمجتمع المصري، على أن يتبرع 20 مليون شخصا بشكل مستمر، وتذهب قيمة التبرعات للجنة مسئولة من جهة رسمية عنها تقيم الحالات التي تستحق تلك التبرعات.

تامر حسني يساعد الحالات الإنسانية

ونشر تامر حسني، مقطع فيديو عبر حسابه الرسمي بموقع إنستجرام، معلقا:«يا حسين يا حبيبي أنا معاك وبدعمك وبدعم حملتك الإنسانيه السامية، وعندي فكره أتمنى رعايتها ودعمها من أجل كل مريض فكره مش هتخلي مريض واحد في مصر يمد ايده لحد'.

فكرة تامر حسني لدعم المرضى

وتابع المطرب تامر حسني، حديثه:«لو مليون مصري اشترك فيها هنحل أزمة الأمراض المكلفه في مصر كلها، مليون مصري بس من الـ١٢٠ مليون مصري هيتطوعوا على حساب معين للتبرع و هيكون في لجنه مسؤولة من جهه رسميه مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم و عن أولادهم لخدمة مجتمع كامل و ممكن نسميها مثلاً صفحة المليون أخ».

تامر حسني يتبرع للحالات الإنسانية

وأضاف المطرب تامر حسني،:«كل ما تظهر حاله محتاجه رقم صعب الصفحه هتدرسها و تعلن عن الحاله و تكلفتها التبرع هيبقى في حدود من ٢٠ جنيه لـ ٤٠ حسب الحاله بس ساعتها أول ما هنعلن هنجمع الفلوس في ثانيه لكل المحتاجين وكل المقتدرين اللي ربنا هينور قلوبهم و هيشتركوا في الحساب ده'.

تامر حسني إنستجرام

تامر حسني إنستجرام

وأشار تامر:«مش هيحسوا أنهم دفعوا حاجه بس هينقذوا حياة أطفال كتير وناس كتير محتاجه، ومين عارف جايز الفكره دي تخلي مفيش ولا واحد مريض في مصر مش لاقي يتعالج وجايز المليون مشترك يكتروا،والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش ايديهم لحد يكسفهم».

وأختتم تامر حسني حديثه:«ربنا خلقنا عشان نساعد بعض وزي ما علمنا رسولنا الكريم، خير الناس أنفعهم للناس يعني ربنا بيحب الناس اللي بتنفع الناس وأي صدقه بتخرج من أي حد مستحيل تنقص ماله بالعكس هيضاعفها ربنا في رزقه و هيكرمه و يطهره و يرفع عنه بيها يارب الفكره دي تتحقق».

الحالة الصحية لتامر حسني

وفي وقت سابق طمأن المطرب تامر حسني، محبية وجمهوره على حالته الصحية بعد نشر أنباء تفيد تعرضه لوعكة الصحية ودخوله لأحد المستشفيات لينفي ما أثير عنه خلال الأيام الماضية.

تامر حسني يطمئن جمهوره على حالته الصحية

بسمة بوسيل تفاجئ زوجها تامر حسني بأغنية حلو المكان

تامر حسني لشقيقه بعد إنتاجه لفيلم بحبك: «ربنا يكرمك على قد تعبك»