تركي آل الشيخ لـ مجلس الأهلي : «فهمت الفيلم متأخر.. الله يرحم صالح سليم»

رد المستشار تركي آل الشيخ، رئيس الاتحاد العربي لكرة القدم، ومالك بيراميدز، على قرار الأهلي بشأن مقاطعة البطولات العربية نظرا لإساءة آل الشيخ للقلعة الحمراء، - بحسب ما جاء في نص البيان-.

وكتب آل الشيخ على صفحته على فيس بوك «هو ماشاء الله لسى فايقين إن فيه هجوم وإساءة ليكم من رئيس الاتحاد العربي ولا لما قلت في لقاء تلفزيوني اني من كام يوم اني بفكر استقيل من الاتحاد العربي ... فحبيتو كالعاده تاخذو أنتو كالعادة تاخذو اللقطة وتطلعو ابطال قدام الجمهور وتلعبو على نغمة احنا الي مشيناه ... وكمان مش دي البطوله الي لعبت فيها كده مباراة قبل كده وطلعت ؟! وهوا انت شاركت عشاني ولى عشان مصر وعشان الجايزة الي ب٨ مليون دولار؟

وتابع آل الشيخ «وبعدين لما عرفتو ان اتحاد الكورة حيأجل الماتش وده حق مشروع لبيراميدز رحتو عاملين بطولة ومنزلينها في بيانكم وكأنه مخرج ليكم ؟! عشان ميبانش إن اتحاد الكورة أخذ القرار العادل! وكمان عاوز اسأل هوا ماتشنا معاكم كان من غير جمهور الدور الأول، يبقى من حقنا المتش التاني يبقى بدون جمهور وده الحق الطبيعي الي لينا»

وأردف «وأنا بسأل للمره المليون وقدام الجمهور الان فين قرار قبول الاستقالة من الرياسة الشرفية؟! ومين الي خايف يواجه ؟ أنا اللي طالبت ان الملتش يكون كأس وبنفس التاريخ واتبح صوتي من ١٠ أيام بكده ، ومين الي عاوز ياجل ماتش الزمالك ؟ بعدين انا بستغرب ... اخاف ليه وانا فايز ب٢ ، وجول من السعيد وجول من اوفر من السعيد ؟ لاعب منتخب مصر الي اتدفع قيمة ٣ مرات والي بتحارب فيه والي رميت بكل الذوق والمبادء ورحت تشتكيه على الفيفا وعلى الاهلي السعودي الي منه الامير المرحوم عبدالله الفيصل الرئيس الفخري والي فيه صاله بسمه في النادي !

انا فهمت الفيلم الي كنت بتعمله بس فهمته للاسف متاخر ،ان الهدف احراق صورتي وكسب بطولة زايفه قدام الجمهور ، الله يرحمك ياصالح سليم ...!