تصريحات هشام عاشور في تفاصيل.. وصف زواجه من نيللي كريم بـ «المعجزة» ويرفض لقب «طليقته»

«مش حاسس إنها طليقتي وهتفضل حبيبتي وحذرتني من هذا الشئ»، بهذه الكلمات كشف الفنان هشام عاشور أسرار وكواليس في أول ظهور إعلامي له بعد طلاقه للفنانة نيللي كريم.

كشف الفنان هشام عاشور حقيقة تسبب أبناء الفنانة نيللي كريم في انفصالهما، في لقائه مع الإعلامية نهال طايل، ببرنامج تفاصيل المذاع على قناة صدى البلد 2.

سبب انفصال هشام عاشور ونيللي كريم

أنه مازال يكن كل الاحترام والتقدير لطليقته الفنانة نيللي كريم،: «أنا مش حاسس أنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتطلق الحب بيختفي، لكن بيحصل تقصير في بعض الأمور وكان واضح أننا هنوصل لطريق الانفصال».

وكشف هشام عاشور حقيقة أن أبناء الفنانة السبب في الطلاق، قائلاً: «كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصوروا ويقولوا أي كلام عشان يعملوا مشاهدات».

https://www.youtube.com/watch?v=cZiBYa-P_g4

علاقة هشام عاشور مع نيللي كريم بعد الطلاق

كما تحدث الفنان ولاعب الاسكواش عن علاقته بالفنانة نيللي كريم بعد الطلاق، موضحًا أنه مازال يكن كل الاحترام والتقدير لها، معلقًا: «كلمة طليقتي رافضها.. أنا مش حاسس إحنا بعدنا عن بعض ولها كل الاحترام والتقدير وهتفضل حبيبتي طول عمرها، عشان العشرة اللي بيننا إحنا ماسيبناش بعض بسبب كارثة».

وأضاف هشام عاشور: «إحنا قررنا ناخد طريق مختلف لكن هنفضل أصدقاء وده كلام مفروغ منه، ومش كل الناس اللي بتطلق الحب بينتهي، في حاجات ممكن تكون اختفت والناس بيكون لسه بينهم معزة كبيرة عند بعض، لكن مش لازم إن كل اتنين بيطلقوا يبقوا كرهوا بعض ومش عايزين يشوفوا بعض، لكن بيحصل تقصير في بعض الأمور وكان واضح أننا هنوصل لطريق الانفصال».

https://www.youtube.com/watch?v=N3uQQL_6zwY

شهرة هشام عاشور

وأكد أنه كان معروفًا في العالم الخاص به، ولكن بعد زواجه من الفنانة نيللي كريم ازدادت شهرته نظرًا لجماهيريتها الكبيرة في مصر والوطن العربي، مضيفًا: «أنا معروف في العالم بتاعي لكن مرة واحدة طلعت لعالم كبير جدًا؛ لأن العالم بتاعها أكبر مني بكتير جدًا، والناس عارفة أني أحرف واحد في الاسكواش».

وتابع: «أنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصًة الدوري الألماني ومعرفتش أطلع منها إزاي فجأة بقيت زوج نيللي كريم، والخبرات دي أنا اتعلمت منها».

واستكمل هشام عاشور حديثه: «أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش لأنه كان وقت حلو».

وقال عن مشاركته في مسلسل «روز وليلى» وتحضيره للشخصية التي جسّدها ضمن أحداث العمل الدرامي، قائلاً: «أنا من 2007 قررت أسجل كل حاجة بتحصل، هنزل في الشارع وأنا بلعب بطولة في باكستان اتكلم مع الحارس اللي قدام الفندق وأسجل طريقة الكلام، وبقى عندي مخزون داخلي للشخصيات».

https://www.youtube.com/watch?v=dEyTZUaLjiQ

ترشيح نيللي كريم لهشام عاشور بالأعمال

كما كشف الفنان ولاعب الاسكواش هشام عاشور، عن حقيقة ترشيح الفنانة نيللي كريم له للمشاركة في أحد مسلسلاتها خلال فترة زواجهما، قائلاً: «نيللي كريم عمرها ما رشحتني لأي دور، مابترشحش خالص هيَّ، وأنا بالنسبالي كنت بطل عالم، مش هروح أقولهم والنبي يا جماعة اكتشفوني».

وأكد هشام عاشور، على أن ترشيحه لمسلسل «عملة نادرة» كان من المنتج جمال العدل، لافتًا أنه صاحب فضل كبير عليه؛ قائلاً: «جمال العدل شافلي أكتر من فيديوهات وقالي عايزك تخس شوية، ولسة شايفه من 5 أيام في النادي، وقالي برافو انك خسيت».

واستطرد: «أقسم بالله نيللي كريم عمرها مارشحتني لأي دور، مش موجود عندها إنها تقول لحد خد ده يمثل، وزواجي منها كان معجزة، أنا كنت عايش في أمريكا وعندي دنيتي وفيلتي وعربياتي وفلوسي، وحياتي ومصاحب بنات وكان ليه إني اتجوز، وكان عندي 39 سنة وعشت الحياة دي ودخلت مرة واحدة وبقيت بيتوتي واتجوزت في شهرين فطبعًا معجزة».

https://www.youtube.com/watch?v=pFgxP-tdcHM

بدايات هشام عاشور في عالم التمثيل

تحدث هشام عاشور لاعب الاسكواش العالمي عن دخوله عالم التمثيل في 2017، منذ أن كان في أمريكا، حينما بدأ بالفعل في دراسة التمثيل في منهاتن بنيويورك.

وقال هشام عاشور: «في 2017 كنت حاسس إني ممكن يبقى عندي طموح في التمثيل، ودرست وذاكرت التمثيل في منهاتن، وكنت حاسس أن عندي حاجة».

وتابع: «رجعت على مصر بعد أزمة كورونا، وأول ما جيت من أمريكا كان في مسابقة اسمها (حريف تمثيل) وكان في ألف واحد، وعملت مشهد لأستاذ عادل إمام والأستاذة يسرا في عمارة يعقوبيان، وصفيت من 500 لـ 20، وبعد كده استاذة يسرا كملتني فيديو كول، وقالت لي هعمل معاها 3 مشاهد في مسلسل حرب أهلية».

وأوضح هشام عاشور أنه الآن يستطيع أن يجسّد شخصيات مختلفة ويتحدث مثل: «الصعيدي، والخليجي، والهندي، والانجليزي الأمريكي والبريطاني، والروسي»، لافتًا أنه منذ سنة ونصف لم يمارس مهنة التمثيل، ولكنه لا يستطيع التوقف عنها حيث أنه يتحدث صعيدي مع أفراد الأمن في الكمبوند والناس في الشارع.

واختتم حديثه قائلاً: «بحاول أزاحم، في حتة مهمة اسمها أنت مين؟، وفي الدنيا بندخل نخبّط على البيبان ونكسب ونخسر عشان تعرف أنت مين، وأنا دلوقتي عارف أنا فين، ومشاهدي بفيلم فول بوت فرجتهم للمخرج طارق العريان وأشاد بيا وقالي أن في احترافيه وكانت شهادته بالنسبة ليا حاجة مهمة؛ لأنه مخرج عبقري، والمخرج محمد دياب أيضًا عجبه شغلي جدًا».

https://www.youtube.com/watch?v=F6EUwvItqrM

نيللي كريم وهشام عاشور

نيللي كريم وهشام عاشور

هشام عاشور