تفاصيل إصابة عايدة رياض بالسرطان ووفاة شقيقها

كشفت الفنانة عايدة رياض، تفاصيل إصابتها بمرض السرطان في المثانة، مؤكدة أن الورم كان في حجم الزيتونة وأن الطبيب أجرى لها جراحة بالمنظار، وتم اكتشاف أنه ورم خبيث.

عايدة رياض ومرض السرطان

وتابعت عايدة في تصريحات تليفزيونية: ذهبت لدكتور شهير وأستاذ لعلاج الأورام في مصر وأخويا الكبير سمير هو اللي كان يعرف بكل ما مررت به، واتعالجت، وبعد أول ثلاث جلسات الدكتور قال لي انتي هتعملي لي عيانة فوقي كده، ونزلت عملت مسلسل مع مى عز الدين والدكتور طلب مني ألبس باروكة علشان لما الشعر يقع بعد جلسات الكيماوى، وكنت عاملة دور أخت بوسي فى المسلسل، وطلبت منها من غير ما حد يعرف إن فيه ثلاثة أيام فى الشهر مش هقدر أشتغل فيها، وماكنتش عاوزة أقول لحد.

وأضافت عايدة رياض، أن الدكتور بعد انتهائها من الجلسات وعمل مسح ذري وطلع سليم الحمد لله.. طلب مني إني أشيل المثانة وأركب مثانة صناعية، ورُحت لكذا دكتور وقالوا لي لو هتعمليها يبقى فى فرنسا لأن الست بتبقى أصعب من الراجل، واستخرت الله وقلت يا رب أنت شفتنى وأنا متوكلة عليك، وقلت للدكتور مش هعملها.

وفاة شقيق عايدة رياض

وأوضحت أنه بعد صدمة إصابتها بالسرطان جاءت صدمة إصابة أخوها غالب بسرطان الدم، وأجرى عملية زرع نخاع، وتم شفاؤه ووقف على رجليه، ومنذ 3 سنوات عاد له المرض وتوفى.

وتابعت رياض: أنا بربى بنته وأبوها الله يرحمه كان روحه فيها وكان حاسس إنه هيموت، والفن أخدني من التعليم وتركته فى أولى جامعة، ولست نادمة على أفلام المقاولات، والأدوار الجريئة اللي عملتها لست نادمة عليها وكنت بعمل كل حاجة فى وقتها وأنا مبسوطة وبحب شغلي.