تفاصيل وصية تامر ضيائي.. كتبها قبل وفاته بشهرين

غيب الموت الفنان تامر ضيائي اليوم الأربعاء 17 يوليو 2024، بعد صراعه مع المرض وإصابته بجلطة في القلب.

كان قد كتب الفنان تامر ضيائي وصيته عبر حسابه بموقع التواصل الاجتماعي فيسبوك، قبل الوفاة بحوالي شهرين أي في مايو 2024.

وصية تامر ضيائي

وجاء في وصيته: «بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد'.

واستكمل: 'دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه'.

وأضاف تامر ضيائي: 'بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة، دى نقطة مهمه اوى بالنسبة ليا.. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجه بتقول إن العياط معناه عدم رضا بقضاء ربنا 'وأبيضت عيناه من الحزن فهو كظيم'.

واختتم حديثه، قائلًا: 'أهم حاجة تانى هى الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى، الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، اللي بيحبوني يدعولى كتير عشان لو مفيش حد يدعيلى، ودى مهمة أوى أوى أوى عاوز الكل يسامحني علي اي حاجه عملتها فيه بقصد لو يدون قصد'.

وصية تامر ضيائي

مرض تامر ضيائي

وكان قد أعلن إصابته في أبريل 2024، بمنشور عبر حسابه بموقع فيس بوك جاء به: «بداية جلطة، دعواتكم».

وخضع لعملية قسطرة في القلب بعد أن تم إذابة الجلطة التي تعرض لها، وينتظر الأطباء الاطمئنان على حالته الصحية بعد إجراء بعض التحاليل الطبية ليتمكن من الخروج من المستشفى.

الفنان تامر ضيائي