جدل حول لافتة محل هدوم مسروقة.. وصاحبه: عندي زبائن من خارج مصر

أثارت يافطة تعتلي أحد محال الملابس بالمنصورة الجدل على مواقع التواصل الاجتماعي بعدما كتب عليها صاحبها جملة هدوم مسروقة، وسط حيرة رواد السوشيال حول حقيقتها، وسبب إطلاق الاسم الغريب عليه بينما اعتبرها آخرون حيلة تسويقية ذكية.

وكان أقصى طموح السيد رضا، ذو الـ 27 عامًا، والحاصل على دبلوم، أن تساهم فكرته في جذب انتباه المارة لدخول المحل والاطلاع على المنتجات المعروضة فيه، كلنه أصبح حديث منصات التواصل الاجتماعي بعد التقاط صورا للافتة ومشاركتها على نطاق واسع لدرجة تواصل أشخاص معه من خارج مصر حسب قوله في تصريحات صحفية.

محل هدوم مسروقة

وقال إن «الاسم اللي على اللافتة ده حقيقي، وعملتها كده علشان أقدر أنافس أصحاب كبار المحلات بالقرية».

وأضاف: «الموضوع بدأ من 3 سنين، باسم ستايلش للهدوم المسروقة، لكن الكلمة الأخيرة كانت بشكل صغير، فحبيت أشيل ستايلش في تجديد المحل في شهر رمضان، وكبرت كلمة الهدوم المسروقة».

وأردف: «مشروعي نجح بالفعل بسبب اللافتة، كل اللي بيشوفها بيفكر في الاسم على طول، ويسألني إيه ده وكاتبها كده ليه، فبعرفه أنها مشروع هدوم عادي جدا ولكنها مش مسروقة ولا حاجة».

محل هدوم مسروقة

وتابع: «ناس كتير بيصوروها وينزلوها على الفيسبوك، ومن وقتها بلاقي اتصالات كتير من أشخاص في مختلف المحافظات ومن بره مصر».

وحول بداية دخوله مجال تجارة الملابس قال «الأول اتأجرت محل، لكن دلوقتي بقيت فاتح المحل جنب بيتي».

التنمية المحلية: الإبقاء على الألوان المميزة للتاكسي بكل محافظة.. ولافتة موحدة لسيارات الشركات