جيهان قمري: «اتجوزت مدني في قبرص وكنت كل يوم بضرب.. وياسمين صبري مش جامدة»

تصدر اسم الفنانة جيهان قمري الساعات الماضية عقب حديثها عن زوجها المدني من أحد الأشخاص والذي كان يضربها ويهينها.

جيهان قمري تتحدث عن فشل زواجها

قالت الفنانة جيهان قمري خلال تصريحات تلفزيونية: 'كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف، ومش عيب الواحد يتوجع بالعكس أنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني وأبص للحكاية من منطلق تاني خالص'.

جيهان قمري

وتابعت: 'أنا كنت متجوزة مدني في قبرص فأنا اللي عملت الورق كله وانا اللي سافرت ولغاية النهارده انا اللي معايا الورق كله معهوش ورقة واحدة تثبت إننا اتطلقنا، لما أخدت القرار أنا اللي سعيت لكل حاجة، على الورق اتجوزته 6 شهور وعلى الحقيقة 3 شهور، مطلعش راجل بمعنى الكلمة للأسف راجل بيمد إيده على ست وتقريبًا كان عنده نقص بيعوضه بحاجة تانية ده بالنسبة لي مش راجل، ومكنش ينفع أكمل عشان أخلي الحياة تستمر، مش مستاهلة وصلت لمرحلة إني مش مستاهلة عشان أكمل ويربطني بيه حاجة'.

واستكملت جيهان قمري حديثها، وقالت: 'مبعرفش ومش هعرف أعيش معاكي وأنا مش حباكي، هبقى كدابة وملاوعة لو قولت مأثرش فيا وعلمني حاجات كتير وقواني كتير وخلاني أبقى فاهمة الدنيا رايحة فين وجاية منين ومش هحب عشان أعيش الحالة لا لازم أعرف هحب مين، وللأسف عشان علمني احب مين بطلت أحب، ومش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيًا كان اللي هيحصل، الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور'.

جيهان قمري

حقيقة هجوم جيهان قمري على ياسمين صبري

كما حرصت جيهان قمري بالرد على ما تردد حول هجومها على الفنانة ياسمين صبري، في أحد اللقاءات، وقالت: 'قولت إن ياسمين صبري بتتصور كتير لأن في حاجات معينة بتبقى أوفر، ووقتها كنت بتسأل على أكتر من اسم وشفت من الناس دي كلها واحسن حد فيهم دينا الشربيني'.

وأردفت جيهان قمري، وقالت: 'ياسمين صبري قمر وشكل يجنن وموديل تحفة وأيقونة، ومشفتش دور شفته ليها قولت واو عليها، واللي يزعل يزعل ويتقمص، بس هي ممثلة مش جامدة، وأنا بتعامل على أني برا الوسط الفني فعلا عشان أنا براه بقالي سنين، معملتش دراما من أربع سنين، واشتغلت مسرح مع الفنان محمد صبحي من سنتين'.

جيهان قمري

سبب ابتعاد جيهان قمري عن التمثيل

وكشفت جيهان قمري سبب ابتعادها عن التمثيل، وقالت: 'مش عارفة ليه مبيتعرضش عليا أدوار أو المنتجين يكلموني، وبستغرب الناس اللي بتكلمني تقولي إيه ده أنتِ هنا، بقولهم ما أنا هنا عايشة في مصر هكون عايشة فين، وبعتبر إني بعيدة عشان أنا مش مزيفة، ومبعرفش أقول لحد أنت حلو وحبيبي وأخده بالحضن'.

وواصلت حديثها، وقالت: 'معرفش أقول لحد أنت عامل حاجة حلوة من ورا قلبي ، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعلت حد، بخلص شغلي وبمشي على طول جيهان قمري الممثلة انتهت في الاستوديو، وأنا عمري ما اتصلت بحد وطلبت منه شغل، الفن دلوقت كله شلالية وكل شلة بتشتغل مع بعض على طول، وفي ناس بتعمل أدوار صغيرة وبتظهر في كذا عمل، ولكن أنا معرفش أعمل ده لأني مش كده، ودايما طول عمري المخرج أو المؤلف اللي بيشوفوني في الدور بيبعتولي'.

جيهان قمري تهاجم الوسط الفني: كله شللية وعمري ما طلبت شغل

جيهان قمري تفجر مفاجأة عن طليقها: كان بيضربني وبأصرف عليه

جيهان قمري عن دورها في فيلم عمارة يعقوبيان: الناس بتقولي يا حرامية.. فيديو

هندية: السويدي خلاني أسقط الحمل في عيادة بالعجوزة.. لكنه قمر وكان بيدلعني| فيديو

لماذا منعت الكويت فيلم Turning Red من العرض بالسينمات؟