حسام داغر يروي موقف لا ينسى مع حسن يوسف.. ماذا حدث في عمارة فريد الأطرش؟

روى الفنان حسام داغر موقف لا ينسى جمعه بالفنان الراحل حسن يوسف، الذي غيبه الموت أمس الثلاثاء 29 أكتوبر 2024 عن عمر يناهز الـ 90 عامًا.

وكتب حسام داغر في منشور عبر حسابه الرسمي بموقع فيس بوك: «وأنا صغير أيام الجامعة رُحت ساعدت ومثلت مع صديقي المخرج حسام الجوهري في مشروع تخرجه في معهد سينما وقتها وكنا بنصور في عمارة على النيل اسمها عمارة فريد الأطرش في الجيزة جمب الشيراتون وهي كانت عمارته فعلا».

موقف حسام داغر مع حسن يوسف

وتابع: «وإحنا بنصور على السلم لقينا باب بيفتح وخرجلنا الأستاذ حسن يوسف طلع ساكن في العمارة وراح مزعق إننا عاملين دوشة على السلم ولا فارق معانا ليل من نهار طبعًا كلنا تنحنا خصوصًا إنه مرتبط عندي بالضحك والهزار وأيامها كان مسلسله إمام الدعاة كمان وكانت مصر كلها متعلقة به».

واستكمل حسام داغر حديثه عن ذكرى له مع حسن يوسف قائلًا: «وفي الآخر طلع كان بيشتغلنا ولقيناه بيضحك وبيهزر معانا ويقولنا صدقتوا إني بزعق ليكو ليه هو أنا مش فاهم انتوا بتعملوا إيه وبتتعبوا إزاي في التصوير وراح جابلنا شاي وطلعلنا كيكة عملوها مخصوص عنده في البيت لينا ووزعها بنفسه علي الكرو وكان كلهم شباب هواة وقتها في المعهد».

حسن يوسف

حسام داغر ينعى حسن يوسف

واختتم: «روحه الطيبة وابتسامته الواسعة فضلت معانا ويقولنا لو احتاجتوا أي حاجة خبطوا بس على الباب.. شُفت يومها لأول مره في حياتي فنان من الزمن الجميل واتعلقنا به أكتر لحنيته وتواضعه وحبه للفن.. موقف صغير لكن علمني كتير قوي.. إزاي تكون إنسان وفنان.. الضحكة البشوشة الطيبة خلاص راحت.. الله يرحم الأستاذ حسن يوسف».

حسام داغر