حسناء سيف الدين تفقد القدرة علي الحركة :«كنت هموت»

طالبت الفنانة حسناء سيف الدين جمهورها بالدعاء لها، بعد إصابتها بأورام وجلطة مؤخرا .

ونشرت حسناء عبر حسابها الشخصي فيس بوك قائلة، 'يا رب انا بقالي من شهر ١٢ اللي فات وانا ما بلحقش ارفع راسي اخلص من مرض ادخل في مرض تاني اخلص من مرض ادخل في اصابة انا بقيت ادخل المستشفى بمعدل مرة كل اسبوع'.

وأضافت، 'أخباري في مواقع الاخبار كلها بقت عن مرضي اكتر من شغلي .. و بقيت اعتذر عن مقابلات شغلي بسبب اني مريضة .. مرة جلطة على الرئة و مرة اورام في الرقبة و مرة التهاب الغدد الليمفاوية و مرة حصوة في الحالب و كل شهر تحاليل و ادوية و دكاترة '.

وتابعت، 'مرة معمل البرج يغلط غلطة مطبعية في نسبة الكولسترول واخد دوا كولسترول وانا ماعنديش كولسترول و كنت هموت فيها .. و مرة نسبة الاكسجين تقل و نفسي يروح و يركبولي اكسجين .. و اخرتها وقعت على ضهري و مش قادرة امشي على رجلي '.

واستطردت، ' الحمد لله على كل شئ بس بجد انا تعبت نفسي اعرف انا ايه اللي بيحصلي ؟! انا بقيت ادبح تقريبا كل شهر و بزكي و بتصدق على طول و مشغلة الرقية الشرعية في البيت ٢٤ ساعة و بسبح و بقرا قران علطول حتى الناس اللي نصبوا عليا او اذوني سامحتهم ..يا رب نفسي ارجع لحياتي الطبيعية'.

حسناء سيف الدين تكشف لـ«صدى البلد» تفاصيل إصابتها بجلطات على الرئة وورم بالرقبة

حسناء سيف الدين .. 10 معلومات لاتعرفها عنها بعد إصابتها بأورام في الرقبة