حسن الرداد عن مانشر حول وفاة دلال عبد العزيز: ياريت تحترموا نفسكم

عبر الفنان حسن الرداد عن استيائه الشديد بعد انتشار شائعة وفاة الفنانة دلال عبد العزيز على السوشيال ميديا .

وكتب الرداد قائلا، 'بالنسبة للمواقع الصفراء الرخيصة اللى كتبت اخبار غير صحيحة عن حماتى #دلال_عبد_العزيز، يا ريت تحترموا نفسكم شوية. اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة'.

وأضاف، 'احنا بقالنا شهور فى المستشفى و كلنا متواجدين مع حماتى و قاعدين قدامها ٢٤ ساعة رامى و إيمى و دنيا و انا و فجاة يجيلنا سيل مكالمات ورسائل من كل اهلنا و حبايبنا بيطمنوا'.

وتابع، 'حقيقي عايز اسال اللى كتب الخبر لو حد فينا كان بعيد و سمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟

مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل'.

رامي رضوان ينفي وفاة دلال عبد العزيز

كما نفى الإعلامي رامي رضوان، وفاة الفنانة دلال عبدالعزيز، والدة زوجته الفنانة دنيا سمير غانم.

وقال رامي رضوان عبر حسابه الشخصي على موقع التواصل الاجتماعي 'فيس بوك'؛ 'الواحد مابيتمناش غير كل الخير للناس، بس فاض الكيل ويارب كل واحد نشر الخبر الزبالة ده يشوفه في حبايبه'.

يشار إلى أن الفنانة دلال عبدالعزيز كانت دخلت المستشفى منذ أواخر شهر أبريل الماضي، أي منذ ما يقرب من 70 يوما، حيث تعاني من تليف فى الرئة إثر إصابتها بفيروس كورونا، كما تعاني من مضاعفات ما بعد كورونا، وحالتها خاصة جدا، ولا تحدث كثيرا مع مصابي الفيروس.

تطورات الحالة الصحية لـ دلال عبد العزيز : «تحتاج إلى أجهزة التنفس الصناعي»

دلال عبد العزيز تحتاج إلى الأكسجين .. أخر تطورات حالتها الصحية بالعناية المركزة