حفل ترافيس سكوت.. مشادة بين خالد تاج الدين وحلمي عبد الباقي ومصطفى كامل كلمة السر

دخل الفنان والشاعر خالد تاج الدين في مشادة مع الفنان حلمي عبد الباقي عضو نقابة الموسيقيين بسبب حفل ترافيس سكوت في مصر، بعد قرار النقابة بإلغاء التصاريح.

خالد تاج الدين وحلمي عبد الباقي

علق خالد تاج الدين على قرار نقابة المهن الموسيقية بإلغاء تصاريح حفل ترافيس سكوت في مصر، قائلًا: «هى نقابة الموسيقيين مالها ومال حفل موسيقي عالمي!! حتى لو على أرض مصرية».

وتابع: «أنت وظيفتك موسيقيين بلدك فقط.. إنما تلغي حفلة عالمية عندنا دي من اختصاص وزارة السياحة أو الداخلية.. يا عم إحنا بلد سياحي المفروض.. عمركوا ماهتبقوا زي دبي والرياض واسطنبول طول ما مصطفى كامل كلمته ماشيه على البلد كلها».

إلغاء حفل ترافيس سكوت في مصر

ورد الفنان حلمي عبد الباقي على تعليق الشاعر خالد تاج الدين بسبب إلغاء حفل ترافيس سكوت في مصر، قائلًا: «أنا عاوز أقول حاجة وأنا مبعرفش أقول كلام وأداري أصل أول حرف من اسمه كذا.. أنا بتكلم علطول أستاذ خالد تاج الدين الشاعر أولًا أنت ملكش دخل أصلًا بنقابه الموسيقيين».

وأضاف: «ثانيًا لما تتكلم وأنت مش فاهم أنت عارف الناس بتسميي الشخص ده إيه.. ثالثًا أنا مش عارف إنت شاغل نفسك بالأستاذ مصطفي كامل ليه يا ترى كنت بتحلم إنك تحقق نجاحات زي اللي حققها ومعرفتش فده سببلك حاله نفسية تجاه مصطفي كامل ولا إيه بالظبط بجد مش عارف أسمي تدخلك وكلامك على مصطفي كامل إيه خلي الناس ترد».

واختتم الفنان حلمي عبد الباقي: «رابعًا لو حضرتك شايف إن في بلاد أفضل من مصر وإحنا مش هنقدر نعمل زيهم تقدر تروح تقيم هناك وتبقي ريحت واستريحت».

خالد تاج الدين وحلمي عبد الباقي

حلمي عبد الباقي وخالد تاج الدين

وعاد خالد تاج الدين ليرد على حلمي عبد الباقي قائلًا: «هو الحقيقي بقى يا أستاذ حلمي إني أنا ومصطفى كامل عملنا نجاحات ممكن حضرتك مع احترامي يعني متكونش وصلتلها وده ميقللش من حضرتك خالص وأنا نفسي عملتلك أغنيه قبل كده واتصورت كليب كمان لكن نجحت بصوت تامر عاشور بعد كده لما غناها في بيتهم على كومبيوتر بربع جنيه!!».

واختتم قائلًا: «حضرتك دخلت نفسك في كلام ميصحش يتقال لأني وجهت الكلام لمصطفى كامل.. اه بالحق أنا بنفسن من مصطفى كامل!! راجع بس سي في خالد تاج الدين هتعرف هو مين ولو إني عارف أنك عارف.. أسف للإطالة أستاذنا القدير».

الشاعر خالد تاج الدين

خالد تاج الدين وحلمي عبد الباقي

حلمي عبد الباقي وخالد تاج الدين