حمو بيكا بعد قرار وقفه من نقابة الموسيقيين: عايز آكل عيش و معايا ناس فاتحة بيوت.. فيديو

قال مطرب المهرجانات حمو بيكا بعد قرار نقابة الموسيقيين بوقفه عن الغناء هو و19 آخرين بينهم حسن شاكوش و كزبرة وحنجرة، مصطفى زكريا الشهير بـ مسلم، أبو ليلة، أحمد قاسم الشهير بـ فيلو، أحمد موزة، حمو طيخة، ريشا كوستا وسمارة، شواحة.

رد حمو بيكا في فيديو على صفحته الشخصية : عايز آكل عيش ومعايا ناس فاتحة بيوت و في ناس كثير لا تصلح للغناء وبيغوا ومعاهم كارنيهات ومش عايز أقول أسماء

وقف حمو بيكا 

وتابع حمو بيكا خلال البث المباشر على صفحته :  أطالب أي مسئول في النقابة الوقوف معانا وقفنا عن الغناء ميرضيش ربنا وأنا تحت أمر الأستاذ هاني شاكر و لو العالم كله وقف ضدنا ربنا معانا

حمو بيكا : الرزق بتاع ربنا 

وأشار حمو بيكا : أن  النملة مبتنمش من غير عشاء واللي أحنا فيه ده رزق من عند ربنا و الناس فاتحة بيوت من ورانا وتعبنا في عرض النبي وداخل علينا حاجت كثيرة حلوة

وقال حمو بيكا : في حفلات الساحل الشمالي التصريح بتاعى بـ 15 ألف جنيه كنت بدفع ومابتكلمش لو ما فيش آكل عيش في مصر هطلع برة وآكل عيش و أنا مش مطرب أنا مؤدى مهرجانات خدونا تحت جناحكم مشيرا إلى أن في ناس أصواتها جميلة بس ما لهاش حظ واحنا بنحب الأستاذ هاني شاكر  لازم تساعدنا مش تحاربنا ولينا جمهور في العالم كله

بيتخانق في الساحل.. أشرف عبد الباقي يكشف كواليس تمثيل حمو بيكا في مسرحية شمسية وأربع كراسي.. فيديو