حمو بيكا لـ هاني شاكر: محسسنا إننا بيئة.. ملكش حق تمنعنا وهناخد حقنا بالقانون

ضحى عرفة 24 نوفمبر 2021 | 03:54 مساءً

رد مطرب المهرجانات الشعبية حمو بيكا، على تصريحات الفنان هاني شاكر، بعدما قامت نقابة المهن الموسيقية بوقفه عن الغناء .

وقال «بيكا» خلال بث مباشر بصفحته الشخصية بموقع تبادل الصور والفيديوهات «انستجرام»: «عندي كلمتين للفنان هاني شاكر وتامر عبدالمنعم اللي ماعرفش إيه علاقته بنقابة المهن الموسيقية، أنا مصري مش صيني ولا تركي ولا لبناني وعندي ولاء لمصر».

وأضاف: «محتاج مسؤول يقعد معانا إحنا مابنعملش حاجه تمنعونا منها.. مصر عمرها مامنعت حد وهي مش بلدك لوحدك اللي خايف عليها.. أنا مش جاي من بره أنا بحمل جنسية مصرية محسسنا إننا بيئة وملناش لازمة أنا ليا صوت برضو».

وتابع: «مالكش إنك تمنعنا وهناخد حقنا بالقانون.. إحنا بلد حرية ليه عايزين تطلعونا وحشين ارحمونا شوية، وليه أطلع بره بلدي أغني».

يذكر أن نقابة المهن الموسيقية قررت منع عدد كبير من مطربي المهرجانات، وتضم الأسماء الممنوعة، حمو بيكا، حسن شاكوش، وتقرر إلغاء التصريح السنوي لـ «كزبرة وحنجرة، مصطفى زكريا محمد على الشهير ب مسلم، أبوليلة، أحمد قاسم الشهرة فيلو، أحمد موزة، حمو طيخا، ريشة كوستا سمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة مطرية، شكل، عمرو حاحا».

حمو بيكا ينفي حصوله على الدكتوراه الفخرية من السعودية

هاني شاكر يفضح حمو بيكا: دخل امتحان النقابة مرتين وسقط… وهرب من المدرس.. وعليه حكم حبس عامين

http://