حمو بيكا يوجه رسالة لـ هاني شاكر: «مش بعرف أقرأ وأكتب بس ربنا خلقلي قلب أحس بيه»

وجه مطرب المهرجانات حمو بيكا، رسالة لنقيب المهن الموسيقية هاني شاكر، وذلك عبر حسابه الشخصى بموقع تبادل الصور والفيديوهات «انستجرام».

وكتب حمو بيكا، «يا جماعة ياريت نفهم إن أنا موجوع وتعبان ، كفاية تنـمر عليا، اتنـمر عليا مرة و اتنين و تلاتة و لسه فيه ناس بتتنمر عليا.. بتتنمروا عليا لحساب مين؟!.. أنا بني آدم زي زيكم والله».

وأضاف، «الأستاذ هاني حضرتك كنت في ندوة واتنـمر عليا وإنت أخويا الكبير وأنا مسامح والله بس كفاية بالله عليك، أنا أه مش بعرف أقرأ وأكتب بس ربنا خلقلي قلب أحس بيه، كفاية تجرحوني ، مش كل واحد يبقى عنده سلطة يتحكم في البشر؟!».

وتابع، «أنا 5 سنين بعاني وبعافر بس هما شايفين إن إحنا مبسوطين وفرحانين، لا أنتوا اللي مبسوطين وإنتوا اللي معاكم ومعاكم كتير وعندكم كتير بس عمرنا ما بصينالكم .. هو ليه لما يكون معايا حاجة حد يبصلي فيها و عايز يأخدها ؟! ده غير مرضي اللي بدفعله في الشهر كتير أوي ».

استطرد حديثه، «حسوا بيا ، لو غلطت في حاجه تعالي و حاسبني و علمني الصح من الغلط .. فاتح بيت و عندي أسرة و عندي مسؤوليات كتير محدش يعلم بيها إلا ربنا ،، ارجوكم كفاية، ياريت تحكموا بينا بالعدل زي ما ربنا سبحانه و تعالى بيقول : ' وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ.. و كفاية تنمر عليا و افتكروا كلام ربنا :' يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ “ .. و في النهاية شكراً لكل حد بيدعمني و بيحبني».

حمو بيكا: «هموت نفسي لو اتمنعت عن الغناء بره مصر»

حمو بيكا لهانى شاكر: امتحنى بنفسك ولو سقطت مش هزعل