حنان ترك توجه رسالة لزملائها: صعب عليا نفسي.. وأخدت على خاطري

نفت الفنانة حنان ترك، العديد من التصريحات الفنية التي نسبت لها على مدار الفترة الماضية، مؤكدة أنها نشرت عبر صفحات مزيفة تحمل اسمها.

وقالت ترك في فيديو بث مباشر عبر حسابها الرسمي على موقع التواصل الاجتماعي «فيس بوك» «صعب عليا نفسي أوي لما أصحابي وحبايبي اللي يعرفوني كويس زعلوا مني، من حاجات أنا ماليش علاقة بيها وعمري ما قلتها، اتاخدت كده من جوايا معقولة نسيوني أوي للدرجة دي، ممكن يفتكروا إني ممكن أقول الكلام ده»، متابعا « خدت على خاطري منهم جامد، الحمد لله عرفت أوثق الصفحة بتاعتي وكل الصفحات التانية معظمها تراجعوا وغيروا الاسم».

حنان ترك

وأضافت حنان ترك  «أنا مش هسكت خالص ولو حد عنده الشجاعة الأدبية وكتب أي بوست يلغي البوست ده ويشيله تماما لأن هبتدي اخد إجراءات»، مشيرة إلى أنها أطلقت قناة عبر يوتيوب للتواصل مع جمهورها خلال الفترة المقبلة.

وواصلت حنان ترك «الصفحات التي كانت تنتحل اسمي، تحدثت في الدين والسياسة وحاجات كتير جدا، أنا ماليش علاقة بيها ولا عمري هتطرق للمواضيع دي، سياسيا أنا جاهلة جدا، ومعنديش وعي سياسي أو ثقافة سياسية، أقعد أنظر بيها».

وتابعت حنان ترك «بالنسبة للدين أنا لما درست علوم شرعية درستها على سبيل النجاة وليس الدعوة، والدعوة حاجة كبيرة جدا وموضوع محتاج علم وفقه ومش أي حد يقدر يعملها، فـأي كلام موجود إن حنان قالت فتوى، فده كلام غير مظبوط وليس لي علاقة به، وأنا لا أحلل ولا أحرم، وأنا أصغر بكتير من إني أفتي في دين ربنا سبحانه وتعالى، ومش أي حد يقدر يديلك فتوى».

حنان ترك توجه رسالة لزملائها: صعب عليا نفسي.. وأخدت على خاطري

مي كساب تتمنى الشفاء لصديقتها حنان ترك : «ربنا يحفظكم ويتم شفاكم على خير»