دانا حمدان تروي تفاصيل تعرضها للنصب بعد واقعة هدى الأتربي

تعرضت الفنانة دانا حمدان للنصب من قبل أحد الأشخاص الذين يتاجرون في المفروشات، قائلة: «أنا اتنصب عليّ حد قالي حوليلي فلوس عشان المفروشات اللي أنا بشتريها».

تعرض دانا حمدان للنصب

قالت دانا حمدان في مقطع فيديو لها عبر حسابها الرسمي بموقع انستجرام: «خد الفلوس ومش راضي يرجعهالي تاني، أنا بقولكم الكلام ده عشان تاخدوا بالكم، متحولوش فلوس لحد».

وتابعت: «اشتروا حاجتكم من محلات معروفة.. بعترف إني غلطت في حق نفسي، مش المفروض واحدة في سني وفي خبرتي في الحياة تغلط غلطة زي دي».

واستكملت الفنانة دانا حمدان قائلة: «الشخص ده مش راضي يرجعلي فلوسي بالرغم من إني طلبتها أكتر من مرة.. أنا مش هسكت، وهو بالنسباله أنا فنانة يعني فلوسي مش عارفة أوديها فين، وعمال يماطل، وفيه لكنة تهديد معرفش يقصد بيها إيه، وعايزة أقوله (حسبي الله ونعم الوكيل ويا رب تترد لك في أعز ما عندك، ويا رب يبتليك ببلاوي بعدد الفلوس اللي أخدتها مني، ومش هسكتلك على الفلوس دي ومبخفش».

 

View this post on Instagram

 

A post shared by Dana Hamdan (@dhamdanofficial)

هدى الإتربي تتعرض للنصب

وفي موقف مشابه، تعرضت الفنانة هدى الأتربي للنصب خلال الساعات القليلة الماضية، من أحد معارض الأثاث ونشرت عبر حسابها تحذيرًا لجمهورها بعدم التعامل مع هذا المعرض.

كتبت هدى الإتربي عبر حسابها بموقع إنستجرام: 'مساء الخير يا جماعة دول نصبوا عليا أنا تعاملت معاهم بياخدوا الفلوس والعفش على أساس أنهم معرض، والمفروض يسلموا الحاجة بقالهم أكتر من 4 شهور وكل مرة يديني معاد للتسليم ويقفل تليفونه'.

وتابعت: 'المكان بتاع المعرض اللي قال عليه طلع غلط، ومش كاتب مكان للمعرض بتاعه على الصفحة اللي بيتعامل منها، وكل الصور اللي عنده من صفحات تانية وأنا هاخد إجراء قانوني معاه ياريت أي حد يخلي بالو ودي الأرقام اللي بحاول اتواصل بيها واللي الصفحة بعتتهالي أنه ده صاحب المكان كلهم مقفولين'.

واستكملت هدى الإتربي حديثها، وقالت: 'اكتشفت لما جبت البطاقة بتاعة صاحب المعرض أنه مش مهندس أصلا وأنا اتخذت ضده أجراء قانوني، وبدء يتفتح تحقيق فى الواقعة، ولما المحامي كلمة انكر انه أخدت منى فلوس'.

هدى الإتربى

دانا حمدان