دينا تفجر مفاجأة حول رأيها في المساكنة: لو ابني حب يجربها مش هعترض

تحدثت الفنانة دينا عن موقفها من فكرة المساكنة إذا قرر ابنها خوضها، وقالت إنه إذا رغب في تجربة المساكنة مع فتاة قبل الزواج لن تعترض.

دينا وتجربة المساكنة

قالت دينا في تصريحات تلفزيونية: 'إذا قرر ابني أن يجرب المساكنة مع فتاة، سأدعه يقرر بحرية، ولن أعترض. لكن إذا كانت والدتي ستنزعج من الأمر، فقد نكتب ورقة رسمية لتفادي أي مشكلات محتملة'.

وأضافت الفنانة دينا: 'إذا كنت أمًا للفتاة، فسأكون صارمة جدًا ولن أوافق على ذلك، بل سأواجهها بشدة'.

دينا

زيجات دينا

كشفت الفنانة دينا أسرار من حياتها الشخصية، وخاصةً علاقاتها العاطفية وعدد زيجاتها.

قالت دينا عبر تصريحات تلفزيونية: «أكتر واحد حبيته وأنا صغيرة جدًا أتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره».

وتابعت: «كان أخو هادي الجيار كان اسمه طارق الجيار الله يرحمه، دا أول وأهم حب في حياتي، واتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز».

واستكملت دينا قائلة: «بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها».

الراقصة دينا

تصريحات دينا

وقالت أيضًا: «أنا رومانسية جدًا بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع».

وأضافت دينا في حديثها: «الحب اللي من أول نظرة ده في المسلسلات التركي، أنا حبيت كتير، حبيت ناس ارتبط بيهم وحبيت ناس مرتبطش بيهم، أنا مهنتي مش سهلة وارتباط راجل بيا مش سهل ولازم يبقى عندة كمية ثقة بالنفس غير طبيعية».