راح فى غمضة عين .. والدة الشاب سيد تروي تفاصيل الحادث

«سحلوا ابني على الأسفلت وكان حاسس أنه خارج ومش هيرجع تاني».. بهذه الكلمات المؤلمة تحدثت الأم المكلومة عن واقعة إنهاء حياة ابنها السيد مصطفى، الذي راح ضحية على يد 3 شباب بالدقهلية بعد سحله والاعتداء عليه بالضرب حتى الموت.

وعلقت الأم خلال لقائها مع الإعلامية نهال طايل، ببرنامج «تفاصيل» المذاع على قناة صدى البلد 2 قائلة: «صباح يوم الإثنين الساعة 8 الصبح لقينا ناس كتير عند بيتنا ويقولوا لي «ابنك عمل حادثة.. وقلت لهم ابني عمري ما يعمل حادثة.. وطلبت منهم يودوني لابني في جمصة.. ولما وصلت قالوا لي ابنك في الثلاجة».

وتابعت أم سيد: «الدنيا اسودت في وشي وحفيت على الأرض ومكنتش قادرة أشيل رجلي، وقلت لهم مين اللي خبطه، لكنهم ردوا وقالوا لي ابنك اتقتل، كأن حد ضربني على دماغي والدنيا اسودت في وشي».

كشفت الأم أن المتهمين بقتل ابنها سيد «شدوا كتفه وقطعوا هدومه وهما بيسحلوه على الأرض، الدم نزل من كل حتة في جسمه واتبهدل خالص، وسيد مكانش في حد في حنيته، كان حاسس أنه خارج ومش هيرجع تاني».