رامي جمال: الهضبة نمبر وان وأنا من عشاق منير والفن بيسرق العمر

تحدث المطرب رامي جمال عن الهضبة عمرو دياب، مؤكدا أنه النجم الأول بمقاييس السوق وطموحه في النجاح كبير، كما تحدث عن العمل الفني كونه يسرق العمر.

رامي جمال وعمرو دياب

وقال رامي جمال، في تصريحات تليفزيونية: عمرو دياب نمبر وان بمقاييس السوق وتامر حسني فنان شاطر بس مش رقم واحد ولسه بدري على هذا اللقب وممكن نقول عليه نمبر وان بعد 40 سنة مع استمرار النجاح.

رامي جمال ومحمد منير

وتابع، أنه من عشاق مدرسة محمد منير «منير بيقدم اللي عايزة وكلام أغانيه فلسفي ومزيكته مختلفه وبيعمل اللي هو عايزة وعمرو دياب محقق نجاح وغيرة فنية كبيرة».

واستكمل: «بشكل عام الطموح العربي قليل وأغلب البشر طموحهم مرتبط بالفلوس وده الدليل أن عمرو دياب طموحه مش فلوس ولكن طموحه أنه شخصية فنية لا تكرر».

وأكد رامي جمال، أن أكثر عيب في شخصيته هو حبه الزائد للشغل مما يؤثر على حياته الشخصية «أكثر عيب في نفسي الشغلة بتاعتنا بتسرق العمر وكل شويه أقول هخلص البوم ونسافر وندخل في اللي بعده ومراتي ديما تقولي مش مهم نؤجل».

وتابع، أن النجاح والطموح يستحمله الفرد لأنه حلمه إنما شريك الحياة يتحمل لأنه يحب، مؤكدا أنه وقت كبير من حياته يكون مشغول ولكن مساحة مراته في حياته 100% حتى في الأوقات التي لا يكونون فيها مع بعضهم.

وحول رسالته إلى زوجته، فقال: «أي حاجة زعلتها مني أنا مرضاش واحنا أولاد أصول ومتربين وبشكرها على كل الحب والدعم اللي شوفته منك، حتة في الوقت اللي مش موجودين فيه مع بعض بنتواصل في التليفون وبأخذ رأيها في كل شيء في حياتي».