رامي جمال يكشف سبب رفضه الغناء في حفلات بها شرب خمور وراقصات

كشف المطرب رامي جمال، عن رفضه الغناء في أماكن بها شرب خمور أو تشاركه راقصات.

رامي جمال والحفلات

وقال رامي جمال، في تصريحات تليفزيونية: فكرة أني أغني في أماكن فيها شرب خمور برفض وعندي تحفظات على حاجات معينة وبرفض الرقاصات برضو ومتطلعش الرقاصة معايا في فقرتي في حفلة أو فرح.

وتابع رامي، أنه يفضل الاستحواذ على الاهتمامات لذلك لا يفضل وجود راقصات معه، مضيفا: «لو اتعمل لي مفاجأة بوجود راقصة في فرح همشي، والرقص فن في ناس بتحبه ولكن متطلعش معايا أنا شايف اخد الاهتمام لوحدي».

موقف رامي جمال من تحريم الفن

وعن موقفه من تحريم الفن،أضاف: «أنا مش شيخ وأنا شايف كل الشغلات فيها الحلال والحرام وفي شبهات ممكن الواحد يتجنبها ومش عايز أحدد الشبهات عشان لو في زملاء بيعملوها، واللي يحلل ويحرم الشيوخ وشايف ان فني اقدمه لوحدي».