رامي صبري: عمرو دياب مختلف عن جيله ولا يجوز مقارنته مع أحد

أكد الفنان رامي صبري، على أن الفنان عمرو دياب، مسيرته الفنية مختلفة تمامًا عن أي فنان آخر، ولا يجوز مقارنته بأحد من المطربين في الجيل الحالي.

وأشار رامي صبري، في صريحات تليفزيونية، إلى أن سر نجاح الهضبة بسيط جدًا، قائلاً: "عمرو دياب بدأ سنة 1984، عمل أول ألبوم ومانجحش، وتاني ألبوم مانجحش، وبعدها عام 1987 تقريبًا طرح ألبوم هلاهلا أو ميال ميال، نجح جدًا ومن وهنا بقى في مطرب اسمه عمرو دياب بيغني".

وأضاف رامي صبري منذ عام 1987ومرورًا بالتسلسل الزمني حتى عام 2024، وسيستمر حتى 2029؛ لأنه الفنان الوحيد الذي استطاع أن يحافظ على مشواره الفني عامًا تلو الآخر، ولا يجوز مقارنته مع أي فنان في الجيل الحالي.

وأوضح رامي صبري، قائلاً: "مفيش حد في جيل عمرو دياب اشتغل كده، وبالتالي ماينفعش مقارنته مع أحد أصلاً، ليه هو كده دلوقتي؟؛ لأنه طول الوقت بيشتغل، معندوش حاجة اسمها أنا نجحت خلاص، لأ بالعكس هتلاقيه بيصحى كل يوم وبيدور على أغنية جديدة، ويكلم الشاعر ويتصل بموزع ويسأل على أغاني، عنده حمية في الشغل".

وقال رامي صبري: " عمرو دياب مقالش مثلاُ أنا معايا 20 أو 40 مليون دولار، كفاية كدة وأروح اصطاد سمك في اسبانيا، يقدر يعمل كده وهيبقى ناجح برضه، ولما تقف مع عمرو دياب بتلاقيه مختلف عن جيله .. أنا موجود، عنده اصرار مش طبيعي".

وأشار رامي صبري أنه يشبه عمرو دياب في الاستمرارية نحو النجاح، قائلاً: "أنا شبه عمرو دياب في الحتة دي، مفيش نجاح بيوقفني".