رانيا يوسف تهاجم محمد سلام: طلعنا كلنا شكلنا مش حلو

حرصت النجمة رانيا يوسف على توضيح التصريح المنسوب لها حول هجومها على الفنان محمد سلام بعد رقصه في مسلسل الكبير بموسمه الثامن، بعد اعتذاره عن مسرحية في السعودية بسبب رفضه الرقص في ظل ما يحدث من عدوان على أهالي غزة.

رانيا يوسف تتحدث عن محمد سلام

قالت رانيا يوسف في تصريحات تلفزيونية: 'المنشور كان على صفحتي الشخصية بيني وبين أصحابي، وكان مجرد استفهام مني لمحمد سلام، في حين إنه لما اعتذر عن المسرحية كان ممكن يعمل ده بكل هدوء بعيدا عن السوشيال ميديا والجدل، وبدون ما يضع الفنانين كلهم في حرج'.

واستكملت رانيا يوسف حديثها، وقالت: 'الجدل حول موقف محمد سلام طلعنا كلنا شكلنا مش حلو، وفي الأول والآخر ده شغلنا ومصدر رزقنا الوحيد، وإيه سبب مطالبة الفنانين فقط بوقف شغلهم وليس المهندسين أو العمال أو رجال الأعمال'.

رانيا يوسف

وأضافت: 'لما تحصل حركة زي دي بيحصل هجوم فظيع على الفنانين، وكان ممكن أحترم موقفه أكثر لو اعتذر قبل يوم السفر لعرض المسرحية، لأن دي فلوس منتج وعمال وتذاكر سفر وفنادق ومسرح، يعني خسائر لناس كثيرة'.

وتابعت: 'كان موقف غريب منه لأنه حصل بعد 21 يوم من ضرب غزة، فكان عنده فرصة أسبوع أو 10 أيام قبلها للاعتذار'.

محمد سلام

رانيا يوسف تهاجم محمد سلام

جدير بالذكر أن، رانيا يوسف كتبت عبر حسابها بموقع التواصل الاجتماعي فيسبوك: 'بتفرج علي الكبير اوييي لقيت الزميل محمد سلام بيرقص ويهزر'.

رانيا يوسف ومحمد سلام

وقالت: 'عايزه اساله يعني عملت مشكله وجدل علشان متروحش مسرحيه ترقص وتهزر فيها، ورحت تعمل كده في مسلسل، طيب وانت بتعمل كده مفكرتش في اهلنا في فلسطين وحتقول ايه لما تقف قدام ربنا حتقوله ايه'.