رشا سامي العدل كادت تفقد حياتها بسبب أزمة صحية.. القصة الكاملة

كادت رشا سامي العدل تفقد حياتها خلال الساعات الماضية وذلك عقب تعرضها لأزمة صحية كبيرة تسببت لها في دخول المستشفى.

رشا سامي العدل تتعرض لأزمة صحية

ونشرت رشا سامي العدل عبر حسابها بموقع فيسبوك تشيخصها الطبي، وكتبت: 'يوم الخميس صحيت بألم فظيع في صدرى ذراعي و احساس بالشلل فعليا و شبه قاطعة نفس و فجأة جالي هبوط و وقعت ضغط ٧٠/٤٠ و تم نقلي الي مستشفي في وضع شديد الخطورة منها باسعاف مجهز الي مستشفي تخصص قلب حالتي شبه ميؤوس منها'.

وتابعت: 'جلطة مكتملة في جدار القلب و سدد كاما في الشريان التاجي الأيمن و تم إبلاغ امي و بنتي اني هاموت في خلال الساعة حرفيا مش بهزر و سمعت بودني و ابتديت اتشاهد و اقرأ كل القرآن اللي حفظاه خايفة و لكن راضية بمشيئة ربنا و بمعجزة من ربنا سبحانه و تعالي كتب لي عمر جديد و الشريان التاجي فجأة فتح نسبة ١% اللي هي لا تُذكر اصلا كانت سبب اني اعيش و كل الدكاترة بالإجماع استغربوا من حالتي في سني ده'.

واستكملت رشا سامي العدل حديثها، وقالت: 'مؤخرا انا اتحطيت تحت ضغوطات كتير صعبة و مؤلمة من وفاة اخويا الصغير ل غربتي في دبي ل خسارة شغلي ل مشاكل عائلية و شخصية ل اكتئاب حاد و كتمت جوايا فوق احتمالي و من هنا احب اقول لكم ان الإنسان ضعيف قوي و هش مفيش حاجة تستاهل و ربنا لا يوريكم اللي انا شوفته ابدا لا فيكم و لا في حد بتحبوه'.

حالة رشا سامي العدل الصحية

وأضافت: 'في الأيام المفترجة دي اتمني الناس اللي بتحبني تدعي لي لأني في قمة اكتئابي و ب أمر بفترة موجعة جدا في حياتي من كل النواحي'.

وأختتمت كلامها وقالت: 'شكرا لكل الناس اللي وقفت جمبي و اتخضوا عليا غلي رأسهم أمي و ولادي ، عمي محمد روح قلبي اللي حضر في التو و اللحظة و شوفت خوفه و خضته عليا في عينيه عمي جمال رغم وجوده خارج مصر كان متابع ثانية ب ثانية عمي مدحت و وجع قلبه عليا عمتي اغلي انسانة في الدنيا علي قلبي و حتة مني عمي رمزى الجميل، والد ابنتي الأصيل ايهاب طبوزادة اللي جيه علي ملا وشه من السفر مخصوص اخويا خالد والدته ماجدة نور الدين و خطيبته هنا ... ولاد و بنات و مراتات عمامي كلهم طبعا، وماقدرش اتجاهل ابدا نقيبي دكتور اشرف ذكي اخويا و صديقي اللي قلب الدنيا علشان ينقذني في أسرع وقت ممكن و منير مكرم اللي كان أول واحد يحضر علشان ينقلني للمستشفي المناسبة لحالتي، والجدعة صحبتي و صاحبة امي ماجدة حافظ اللي فضلت معايا لحد ما وصلتني البيت و بنتي الغالية علي قلبي ام حمزة جنة ابراهيم ، زمايلي و اصدقائي الجميلة نهال عنبر الغالي ايمن عزب اخويا ايهاب فهمي امي التانية راوية سعيد و طبعا نص مصر اللي كلموا ماما علشان خافوا يكلموني ... صحابي من خارج الوسط بقي دول مش هاقدر اكتب اسامي لأنهم بجد كتير قوووووي ربنا يخليكم ليا'.