رضا البحراوي يكشف أسراره: محمد إمام دعمني وقطعوا رزقي من مسلسل كبير أوي

تصدر المطرب الشعبي رضا البحراوي التريند بمؤشر البحث الأشهر جوجل ومواقع التواصل الاجتماعي المختلفة، خلال الساعات الماضية بعد تصريحاته الأخيرة والأسرار التي كشفها لأول مرة عن حياته.

تصريحات رضا البحراوي

قال رضا البحراوي في تصريحات تلفزيونية له، إن الفنان محمد إمام صاحب فضل عليه، مضيفًا: «ممتن جدًا لمحمد عادل إمام وهو فنان كبير، وقف جنبي في هوجان والنمر، وكنت بترشح لأعمال كتير قبل هوجان والنمر لكن قطاعين الأرزاق كانوا كتير».

وتابع: «ممكن أكون مخلص الأغنية وحد تاني يقوم عارض فلوس وياخد المكان، وحصلت لي مرتين منهم مسلسل كبير أوي ومكنش فيه نصيب، وأنا في الطريق من طنطا لقيت النجم بطل المسلسل الكبير بيقولي بلح وفركش ومفيش نصيب».

رضا البحراوي

أسرار رضا البحراوي

واستكمل رضا البحراوي قائلًا: «قُلت حسبي الله ونعم الوكيل ورجعت طنطا تاني، بعد الموقف ده لاقيت مدير أعمال الفنان محمد عادل إمام بيكلمني وقالي الأستاذ عايز يقعد معاك في هوجان، وبيديني تتر بداية ونهاية وغنويتن في المسلسل، قومت ساجد على الأرض وقولت الحمد لله وربنا عايز كده».

وقال أيضًا: «مسبنيش بعد كده، وقالي مش هسيبك عشان أنتا اتظلمت كتير وجالي مسلسلات كتير أوي لازم استأذن منه الأول، وأشاوره ويقولي ده لا وده آه، وهو محترم جدًا وقبل ما أروحله كان حاببني أوي وبيسمعني، وبقوله كفاية أدبك واحترامك وإنصافك لي قدام الناس».

بدايات رضا البحراوي

وتحدث عن بداياته الفنية، قائلًا: «اهتميت بالغناء وسني كان 8 سنوات فقط، وكنت أعيش في منطقة شعبية في طنطا وكنت أغني في الشارع وفي بعض الأفراح، ولم أكن أشعر أني أغني بصوت حلو ولكن عندما غنيت في الشارع كان الناس يقولون لي صوتك حلو».

وأضاف: «كنت بلعب بلي في الشارع وقابلني طارق عبد الستار وهو الآن زوج شقيقتي ومدير أعمالي وقال لي صوتك حلو وأعطاني 10 جنيهات، وقرر أن يقوم بعمل شريط لي وحفظني بعض الأغاني وكان أول شريط لي غنيت فيه زمن الوحوش، وقبله كنت أغني في الأفراح».

واستكمل الفنان رضا البحراوي قائلًا: «كنت أغنى لرمضان البرنس وأنا من عشاق جورج وسوف، و نزل أول شريط لي في مولد السيد البدوي، ولم أحصل على أي أموال في أول شريط لي لأنني كنت أريد الشهرة فقط، وبعد ما نزل الشريط غنيت في فرح في الإسماعيلية وحصلت على 300 جنيه، وعملت على الحفاظ على صوتى والتجديد في الأغاني التي أغنيها من أجل الاستمرار».