رضا عبد العال يوجه رسالة نارية لاتحاد الكرة.. «عايزين إيه من مصر حرقتوا دمنا عشان السبوبة».. فيديو

كتب - عمر حسن

قال رضا عبدالعال، نجم الأهلي والزمالك السابق، إنه أصيب بارتفاع في السكر والضغط بسبب خروج منتخب مصر من بطولة أمم إفريقيا على يد جنوب إفريقيا.

وأضاف خلال مقطع فيديو «لايف»، عبر حسابه الشخصي على موقع التواصل الاجتماعي «فيس بوك»: «الناس فاكراني فرحان في خسارة المنتخب، وأنا وطني أكتر منكم»، موجها رسالة لاتحاد الكرة: «عايزين ايه من مصر، مش عيب لما يكون في 3 منكم يمثلوا مصر في المناسبات العالمية ويختاروا مدرب يحرق دمنا، كل ده عشان السبوبة».

وتابع عبدالعال: «أجيري ملاحق في عدة قواضي وأنا قولت كده.. ولما بتكلم بيكون للصالح العام، وأنا مش عايز منصب في اتحاد الكرة ولا في أي نادي»، مطالبا اتحاد الكرة بتقديم استقالته فورا.

وأكد عبدالعال أن اختيارات أجيري كانت مليئة بالمجاملات، متابعا: «المصريين في حزن، وبقول للرئيس السيسي الناس دي قصرت رقبتك، ومش عارفين يعني ايه مصر»، متابعا: «الاتحاد جاب أحمد ناجي عشان بيعملهم ملوخية بالجمبري، وحاجات تانية مش هينفع أقول عليها»، مطالبا رئيس الجمهورية بإقالة اتحاد الكرة، واصفا إياه بالعصابة.

وأوضح نجم الأهلي والزمالك السابق، أنه تعرض للإيقاف من الظهور في قناة فضائية شهيرة، بسبب تصريحاته ضد اتحاد الكرة، قائلا: «ولا يهمني، كله فدا مصر».