ريم البارودي تكشف التفاصيل الكاملة لخلافها مع ريهام سعيد

كشفت الفنانة ريم البارودي، أن خلافها مع الإعلامية ريهام سعيد مازال بين ساحات القضاء، وأن المصالحة كانت منذ ثلاث سنوات.

وأضافت ريم البارودي، في تصريحات تليفزيوينة، ردًا على المثل الشعبي الشهير «ما محبة إلى بعد عداوة»، قائلة: «احنا بنمشي وراء أمثال كلها غلط على فكرة،، مفيش محبة بتيجي بعد عداوة، ما ينفعش يبقى في كره وعداوة وعايزة أذيكي، وأنا بكرهك وبعدها تيجي المحبة، لكن ممكن يبقى في محبة يجي بعدها كره وعداوة».

وأوضحت ريم البارودي، أن ريهام سعيد حضرت عزاء والدها من أجل التريند، قائلة: «جت طبتبط عيا في التصوير، عشان عزاء بابا ريم البارودي تريند، أنا تفاجأت بها داخلة عليا العزاء وأنا في وقت مش قادرة أفكر فيه، نتيجة حزني على والدي، لأن كله إلا فقدان الأب والأم، البني آدم ضهره اتكسر، مبفكرش اللي قدامي اذاني قد ايه؟، وكان المفروض ما اسلمش عليها».

وكشفت ريم البارودي، أن ريهام سعيد، أرسلت إليها رسالة قبل إقامة العزاء فحواها: «أنا عايزة أجي أعزي بس خايفة تقولي إني باخد اللقطة،، والرسالة موجودة».

قالت ريم البارودي وبعدها استقبلت ريهام سعيد في منزلها من أجل تسجيل حلقة ظنًا منها على انتهاء الخلافات، قائلة: «سجلت معاها حلقة بربع أجري، ومكنتش محتاجاهم أصلاً هبى اللي جاية تسجل، وفتحت لهم البيت من الساعة 11 مساءً، وهي جت الساعة 1 صباحًا، وظل تسجيل الحلقة حتى الساعة 11 صباحًا، وسامحت لكن أنا اللي غلطانة مش هي اللي غلطانة».