ريم طارق تروي قصة فيديو حصولها على حقوقها من طليقها حسن شاكوش

تحدثت ريم طارق طليقة مؤدي المهرجانات حسن شاكوش، عن الأزمة القائمة بينهما حاليا بعد عدم وفائه بوعوده لها بحسب وصفها.

وقالت ريم طارق، في تصريحات تليفزيونية، إن البعض من أهل الخير حاول التدخل لإنهاء الخلاف بينها وبين طليقها حسن شاكوش وإعادة حقها لها بشرط أن تخرج في فيديو وتعلن انتهاء الخلافات واستعادة حقوقها، وكذلك الأمر

بالنسبة لحسن شاكوش، حيث اشترط عليه أن يعتذر لريم وأسرتها عن أي إساءة.

وتابعت ريم طارق، أنها طالبت باستعادة حقوقها القانونية والمؤخر 400 ألف جنيه والقايمة 200 ألف جنيه والذهب بـ 100 ألف جنيه بإجمالي 700 ألف جنيه، موضحة أن حسن شاكوش اعترض على المبلغ وأصر على دفع 400 ألف جنيه فقط وهي وافقت على ذلك.

واستكملت: كنت مستاءة جدا إني مش عارفة آخد هدومي، وعملت تمكين علشان أعرف آخد حاجتي ما عرفتش، وما كانش فارق معايا حقوقي القانونية ولكن كل اللي كان فارق معايا حاجتي الشخصية.

وأوضحت ريم: أهل الخير توسطوا وحاولوا يحلوا الخلاف، وفي البداية قالولي أني غلطت وأني شهرت بيه ولازم اعتذر في فيديو، وقالولي لازم تقولي إنه محترم .

وأضافت، أنهم توصلوا في نهاية الأمر إلى تقديم اعتذار له وتأكيد أنها تسلمت كامل حقوقها، مشيرة إلى أنها ذهبت للفيلا وأخذت أشيائها الخاصة من هناك بعد كثير من المهاترات من قبل حسن شاكوش وفي نهاية الأمر

تفاجأت أن حسن نشر الفيديو دون أن تحصل على حقوقها المالية.

وأختتمت ريم حديثها عن طليقها: شاكوش في الفيديو اللي نزلوا بيعلن فيه انتهاء الخلاف بينا كان بيتسفزني ولابس بيجامتي وبعت لي رسالة أنه انتصر وقالي محدش هيصدقك تاني،

لكن محدش بينتصر على ولية وكلي يقين إن حقي هاخده منه واللعبة اللي عملها من يومين هتتردله، لأنه ما التزمش بالاتفاق وما أدنيش حقوقي القانونية اللي اتفقنا عليها.

وكان مغني المهرجانات حسن شاكوش أعلن انتهاء خلافه مع طليقته ريم طارق، وذلك بعد خلاف دام لعدة أشهر بينهما.

وأعلنت ريم طارق طليقة حسن شاكوش، انتهاء الخلافات بينهما وقالت في تصريحات تلفزيونية: 'الحمدلله اخدت كل حقوقي الشرعية من حسن، والحمدلله اني طلعت شخص كويس'.

وتابعت: 'هو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله او من اهلي او مامته فحقهم على راسي وكل شئ قسمة ونصيب'.

وكانت ريم طارق طليقة مطرب المهرجانات حسن شاكوش، كشفت سبب سجدوها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، كما عرضها للعديد من الانتقادات.

قالت ريم طارق في تصريحات تلفزيونية: 'مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي'.

وتابعت ريم طارق: 'مقصدتش أعمل تريند ولا حسن طلب مني ومكنش موجود أصلا، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن'.