ريم طارق تفجر مفاجأة: حسن شاكوش كان بيخوني مع فنانة شهيرة في رمضان

كشفت ريم طارق طليقة مؤدي المهرجانات حسن شاكوش، عن أسباب طلاقها، وعلاقتها مع فنانة شهيرة.

حسن شاكوش وفنانة مشهورة

وقالت ريم طارق في تصريحات تليفزيونية: كنا في نهار رمضان، وكان في ممثلة مشهورة عندها مشكلة صحية راح أكل معاها في شاليه بالعين السخنة، ولما رجع البيت كتبتله وصلت يا حبيبي.. بينهم علاقة.

وتابعت: قعدت 30 يوم في شهر رمضان أشوف حاجات زي كدة ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك.. حلال عليها، والحرف الثالث من اسمها هو الراء.

وأضافت: سبب آخر، كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقولي يحرم عليا كل جنيه بيدخل من تيك توك، هاخده وهتبرع بيه لجمعيات خيرية للأطفال، فرحت عشان قالي إنه هيتبرع، ولما اللايفات خلصت الموضوع اتنسى.. وأخد الفلوس.

حسن شاكوش والخيانة

ريم طارق، قالت: «الموضوع بيني وبين حسن شاكوش أكبر من الخيانة بس أخلاقيا ودينيا مش هقول ومش هقدر أحكيه..اتحملت مع شاكوش اللي محدش يتحمله من رابع يوم جواز».

وتابعت: اتحملت اللي محدش يتحمله، من البداية ومن رابع يوم في الزواج بشوف كل يوم قصة وموضوع، عايرني بمرضي، وكان عارف إني مُطلقة، وتزوجت شرعيا وانفصلت شرعيا وكان هناك قضية بيني وبين طليقي.

وأوضحت: يكفي أني كنت مهددة بعدم القدرة على الرجوع للبيت إن خرجت منه، خلافات زوجية لكنها ليست مثل الخلافات التي تحدث بين أي شخصين متزوجين.

وأضافت: حسن شاكوش طيب وابن حلال وجدع وشهم عشان كدة وافقت على الزواج منه، لكن الصورة حاجة والحقيقة حاجة تانية.. اللي شفته حسن في البيت كان حاجة تانية خالص، وشفت أبشع حاجات ممكن تتخيليها، وشفت معاه كل حاجة وحشة محدش يقدر يتخيلها بعيدا عن الخيانة، ونفسي أقول للناس كلها بس مش هقدر أشيل الذنب ده، والموضوع كبير ومش هقدر أحكيه.