ريهام عبدالغفور: قعدت في البيت سنة ونص ورفضت أعمال قبل «ظلم المصطبة»

تحدثت الفنانة ريهام عبدالغفور عن كواليس مشاركتها في بطولة مسلسل ظلم المصطبة، موضحة أنها أحبت فكرة العمل وشخصية هند.

قالت ريهام عبدالغفور عبر تصريحات تلفزيونية: «حبيت الموضوع كله جدًا، وحبيت شخصية هند بكل صنوف الظلم اللي بتتعرض له».

وتابعت: «كنت بقالي سنة ونص قاعدة في البيت مش بشتغل، واتعرضت عليّا أعمال، لكن كنت برفضها ومش حاسة إنّي عاوزة أعملها».

واستكملت ريهام عبدالغفور: «لكن شخصية هند في ظلم المصطبة، أول ما قرأتها حسيت إني عاوزة أعملها جدًا، والموضوع كله شدني، وعالم الكاتب والسيناريست أحمد فوزي صالح دايمًا بيأسرني، بحب طريقته في الكتابة، وكمان المخرج هاني خليفة».

واختتمت: «بحس دايمًا إن بيني وبين إياد نصار كيمياء حلوة من أيام وش وضهر، فحسيت إن المشروع ده هو فعلاً المشروع الحقيقي اللي أقدر أوافق عليه من غير تردد».