ريهام عبد الغفور عن والدها: كان بيضحك في الغُسل وافتكرته صاحي

كشفت الفنانة ريهام عبد الغفور أسرار من حياتها الشخصية، واستعادت ذكرياتها مع والدها الفنان الراحل أشرف عبد الغفور.

قالت ريهام عبد الغفور عبر تصريحات تلفزيونية: «بتمنى أكون شبهه في أخلاقه وإنسانيته وهو كان شخص عظيم أوي وكريم ونبيل، بيتعامل مع الناس كلها بحب غير طبيعي».

تصريحات ريهام عبد الغفور عن والدها

وتابعت: «وأكتر شخص في الدنيا عمره ما خذلني ولا خذل حد من أولاده وعمر ما حد طلب منه أي حاجة وأتأخر عليه بالعكس، كان الأب المثالي، متفهم أوي وحنين بشكل مبالغ فيه، كان شخص عايش للآخرين مش بيعمل حاجة لنفسه خالص».

واستكملت ريهام عبد الغفور حديثها: «فقد أب طيب وحنين شيء قاسي وطريقة الوفاة كانت قاسية، وفي الغُسل كان بيضحك لدرجة أني افتكرته صاحي».

ريهام عبد الغفور ووالدها

ريهام عبد الغفور وأولادها

وقالت أيضًا: «والدي توفى بعد ما عدى 80 سنة ولكن كان شاب طول الوقت، ولما توفى مكنتش مصدقة سنه لأن هو اللي كان بيعلمنا ومعتمدين عليه في كل حاجة ويوم وفاته كان جاي يتغدى معايا وكلمته قبل وفاته بـ 3 دقائق، وبعدها جاتلي مكالمة أنه عمل حادثة، ملحقتش أودعه».

وتحدثت ريهام عبد الغفور عن كيفية تربية أبنائها على احترام المرأة، لافتة إلى أنها تُحاول جعل أبنائها مثل والدها الفنان الراحل أشرف عبد الغفور.

واختتمت: «بتكلم مع ولادي من وهما صغيرين إزاي يتعاملوا ويحترموا المرأة، وأن ممنوع الهزار بالإيد مع البنت والراجل هو المسئول عنها ويديها كل حاجة بحب واحتواء، بحاول أعلمهم يطلعوا زي بابا، ومنصحش بالزواج المبكر، ولكن كل واحد عنده التجربة بتاعته وأنا شخص بقلق وبتوتر فالجواز كان مسئولية كبيرة على سني، وفكرة أني خلفت ابني يوسف اللي هو دلوقتي أكتر حد بيفهمني وكلامه بيمشي عليا أكتر من أي حد، وبسبب أني خلفته».

ريهام عبد الغفور