زوجة تامر عاشور ترد علي جمهورها:«لن أقبل التجريح فى أبو بنتى.. وبنتفق على الطلاق بهدوء»

تحدث سمر أبو شقة زوجة المطرب تامر عاشور عن العلاقة التي تجمعها بوالد ابنتها الوحيدة أيام، خلال رسالة إلي جمهورها عبر حسابها الشخصي علي موقع تبادل الصور والفيديوهات 'انستجرام'.

وكتبت قائلة، 'انا وتامر هنفضل نحترم بعض لأن في بينا عشرة وفي بينا بنتنا أيام .. اللي هتفضل رابط بينا طول العمر ..

واللي اهم ليا انها ان شاءالله تكبر متلاقيش اي حاجة تضايقها و تلاقي كل هدوء.. الموضوع لا ترند ولا شو ولا اي حاجة غير حقيقة و حاجة بتحصل كل يوم بس بيحصل اللي حاصل لما يبقي حد مشهور'.

وأضافت، 'احنا اه منفصلين (مش مطلقين) (ولا اطلقنا).. .ومرينا بمشاكل زي اي ناس طبيعية .. اتفقنا او اختلفنا بتحصل يعني و بغض النظر عن مين غلط ف حق مين و ازاي ... ولكن مهما حصل مفيش حد هيقبل أن يحصل تجريح للتاني ف اللي جاي'.

وعن ردها علي أسئلة الجمهور قالت، 'انا رديت على اسئله الاستورى بعفوية و بطريقتي اللي عمرها ما هتتغير وعادي جدا بس للاسف في مواقع حطت عناوين غلط علشان تشد و تزود التفاعل عندها وخلاص .. وعلي فكرة كلامي كان واضح و بسيط و موجود لحد دلوقتي مشلتوش علي بروفايلي هنا ..و مقولتش اي حاجة غير الحقيقة اللي حصلت ببساطة و كان ظاهر منها ٨٠ % او اكتر من غير اي شرح .. ومنعا للمهاترات هي مش حرب مع ابو بنتي ولا عمرها هتكون'.

وتابعت حديثها، 'المفروض اننا نتفق بكل هدوء على الطلاق انه يتم خلال الفترة الجاية .. ..واللي اكيد بعد مايحصل مش هينقص من احترامي ليه او احترامه ليا وهنفضل اصدقاء تجمعنا ' أيام' اللي هتفضل اهم من اي حد و اي حدث.. بس نبقي بنتجنب الضغوطات و المشاكل اللي ايا كان سببها موجود او انتهي بلا رجعة '.

وطالبت من الجمهور، 'اتمني الموضوع يتقفل و مشوفش اي حاجة تضايقني .. واللي بيحبوني دعوة حلوة و شكرا لكل الحب و الدعم اللي بشوفه'.

خطيبة تامر عاشور ترد علي منتقديها:«اتقدملي علي أساس أنه مطلق .. ومش أنا اللي أخد راجل متجوز»

زوجة تامر عاشور تسخر من خطوبته الأخيرة وهي على ذمته بمشهد من «ربع قيراط»: «نفس البجاحة والشبه»

تامر عاشور