سامو زين يتحدث عن عودته للجمهور ومفهوم الحب في حياته

تحدث الفنان سامو زين عن فترة غيابه عن الساحة الفنية، موضحًا أن محبة جمهوره كانت واضحة له فور عودته، مؤكّدًا أن هذا الاستقبال أعاد له شعورًا بالرضا عن جهده وأعماله السابقة.

وقال سامو زين في تصريحات تلفزيونية: «أنا في قلوب الناس وشفت حبهم في رجوعي، وتعبت في الشغل اللي قدمته الفترة اللي فاتت والأغاني لسه عايشة ومحستش أني غيبت وشفت ده في استقبالهم».

وتطرق سامو زين للحديث عن السر وراء استمرار بعض الأعمال الفنية في قلوب الناس، مشيرًا إلى إعجابه بفنانين كبار مثل عبد الحليم حافظ، وقال: «كان عندي دايمًا حيرة أن ليه عبد الحليم حافظ لسه عايش وسطنا لغاية دلوقتي، وده اللي اعتمدته من بدايتي، أن إزاي أتقدم للناس والمجهود والكلام واللحن وكل حاجة بتكون مدروسة، واللي شفته هو ده المكافأة أن الأغاني لسه عايشة بعد أكتر من 15 سنة».

كما كشف سامو زين عن رؤيته للحب، موضحًا أنه يحتل مكانة كبيرة في حياته، وقال: «الحب عندي له مكانة كبيرة والأهم في حياتي، واتعلمت أسيطر عليه، ولكن متقدرش تسمي حب لو فكرت فيه، أنت تسيب مشاعرك وتعيش معاهم، ده الحب بالنسبة ليا».