سيدة في دعوى طلاق: أجهضني وأخد الدهب بتاعي

منى سيدة تبلغ من العمر 20 عام توجهت إلى محكمة الأسرة بالشرقية لرفع دعوى طلاق للضرر بسبب اعتداء زوجها عليها وتسبب في إجهاضها.

بخطوات ثقيلة وجسد ضعيف وقفت السيدة أمام القاضي وروت معاناتها التي استمرت مع زوجها لمدة عامين وانتهت بإجهاضها بعد تعديه عليها بالضرب.

وروت السيدة المأساة التي عاشتها مع زوجها لمدة عامين وقالت أن زوجها اكلها لحمه معفنه ، وتسبب لها في حالة تسمم ورفض ذهابي للطبيب.

وتابعت عندما كنت أشعر بالألم كان يقوم بطردي من الشقة قائلا مش ناقص وجع راس كنت حامل وبتعب من الحمل يقوم يطردني علشان مقولوش انا تعبانه.

و استكملت السيدة كنت بتعرض للاغتصاب الزوجي مع الضرب والشتيمه ولما كان بيضربني وانا حامل كنت بترجاه بلاش بطني علشان ابنه رد قالي مش عايزك انتي ولا هو.

واختتمت السيدة اتهجم علي والدي في البيت ورماه بالطوب وشتمه باقبح الألفاظ، وكان بيضربني لحد ميجيلي تشنجات واقطع النفس، وكنت بخاف منة لدرجة إني لما بسمع صوت مفتاح الشقة بستخبي ومكنش بيرضي يصرف عليا لحد ما كنت هموت من الجوع في مرة قولتله عايزة ١٠جنيه قالي مش قادر علي مصاريفك خلي اهلك يصرفو عليكيو کسر دراعي وخد دهبي.