شادي شامل يكشف موقفه من المثلية الجنسية وعلاقته بالملحدين

تحدث الفنان شادي شامل عن موقفه الصريح من المثلية الجنسية والمشجعين لها، كما كشف علاقته بالله والملحدين.

شادي شامل والمثلية الجنسية

قال شادي شامل في تصريحات تلفزيونية: 'أنا ضد المثلية الجنسية، وقابلت في حياتي ناس مثليين وبتعامل معاهم عادي، ولكن ميفرضوش رأيهم عليا ويقولوا إن ده عادي'.

شادي شامل

وتابع حديثه، قائلًا: 'احنا اتربينا إن الراجل يحب الست والست تحب الراجل، ومش هعرف أنافق ضميري وأقول على المثلية الجنسية حرية شخصية'.

وأضاف شامل كلامه: 'كان في ممثلة مصرية عملت عملية تحويل جنسي، وهي مش معروفة ولكن لو في حاجة طبية تستدعي ده تمام، ولكن متبقيش واحدة ست وتيجي تقولي عايزة أبقى راجل، إيه القرف ده'.

شادي شامل

شادي شامل وعلاقته بالله

أما عن علاقة شادي شامل بالله، قال: 'أنا طول عمري ملتزم بالصلاة، أكيد ساعات بقصر غصب عني، وأنا بتكلم مع ربنا وبستغفر كتير، ومبتقبلش موضوع الإلحاد وقابلت ناس مهزوزين وبكلمهم بالحُجة وفي منهم بيقتنعوا، ومبدخلش في جدال مع اللي بيقولوا مفيش ربنا'.

شادي شامل

تصريحات شادي شامل

وعلى جانب أخر، آثار الفنان شادي شامل، الجدل على مواقع التواصل الاجتماعي، بسبب تصريحاته الأخيرة في إحدى البرامج التليفزيونية، حول ارتدائه «حلق» وإجراء عمليات تجميل في جسده.

وقال شادي شامل، أنه أجرى عرض لبرفان لإحدى العلامات التجارية الشهيرة في مدينة دبي، بعد اختياره والذي جاء بالصدفة على حد وصفه.

وأكد شادي شامل على أنه يُحب نفسه، قائلاً: «أنا معجب بنفسي ولازم أحب نفسي، والموضوع مش إني بحب نفسي ولكن أنا واثق من نفسي، مش غرور ولا تكبر، أنا بحب روحي التلقائية».

شادي شامل

وأضاف شادي شامل قائلاً: «أنا بحب جسمي، وبصحى الصبح أنظر لنفسي في المراية، وبدلع نفسي قدام المراية، ومفيش أي مشكلة.. وأنا من الشخصيات اللي بتحب تكلم نفسها، واقول لنفسي: صباح الخير .. وساعات ببقى مش طايق أبص لنفسي في المراية».

وكشف شادي شامل عن إجراء عمليات تجميل للحفاظ على شكله، قائلاً: «أنا عملت بوتكس، لكن معملتش فيلر، الفيلر عملته مرة واحدة من كام سنة وكان بالعافية، كنت في دبي.. لكن أنا بعمل بوتكس وكل الفنانين بتعمل بوتكس.. ومش عيب إن الراجل يهتم نفسه.. لو حاجة هتخلي شكلك حلو اعملها لكن لو الموضوع هيقلب منك بلاش تعمله.. ودي حاجة ماتقللش من الواحد».